پڕۆسێسەری Snapdragon 855 لە ڕووی کارکردنەوە هاوشێوەی Kirin 980 دەبێت

وا دیارە کۆمپانیای کوالکۆم ئامادەکاری دەکات بۆ ڕاگەیاندنی پڕۆسێسەری Snapdragon 855 لە مانگی دوازدەیەمی ئەم ساڵدا و ئاشکرایە کە پڕۆسێسەرە نوێیەکە 7 نانۆمەتر دەبێت ئەمەش هەتاوەکو ئاستێکی زیاتر پێشکەش بکات و وزەیەکی کەمتریش بەکاربهێنێت، لەم بارەیەشەوە ڕۆژنامەنووس ڕۆلاند کوانت دەڵێت Snapdragon 855 هەمان ژمارەی ناوکەکانی پڕۆسێسەری Kirin 980ـی دەبێت.

Qualcomm is doing what Huawei does with the Kirin 980: using three CPU core clusters on the SM8150 (SDM855) – 4 "Silver", 2 "Gold", 2 "Gold+" cores.

— Roland Quandt (@rquandt) October 28, 2018

لەم کارەشدا 4 ناوک تایبەت کراون بە فەرمانە ئاساییەکان و 2 ناوکیش بەو فەرمانانەی کە تا ڕادەیەک قورسترن لەگەڵ 2 ناوکی دیکە بۆ فەرمانە زۆر قورسەکان، ئەمەش هەمان ژمارەکانن لە پڕۆسێسەری Kirin 980 کە ئەویش هەڵگری 4 ناوکی A55 و 2 ناوکی A76 بە خێرایی 2.6 گێگاهێرتز لەگەڵ 2 ناوکی A76ـی دیکە بە خێرایی 1.92 گێگاهێرتز، لە لایەکی دیکەشەوە دەوترێت کوالکۆم بە نیازە شێوازی کارکردنی پڕۆسێسەرەکەی وەک پڕۆسێسەرەکەی میدیاتێک Helio X30 بێت کە هەشت ناوکیە و تیایدا 2 ناوک تایبەت کراوە بە فەرمانە زۆر قورسەکان و 8 ناوکەکەی دیکەش دابەش کراون بۆ دوو کۆمەڵی دیکە کە تایبەتن بە فەرمانە ئاسانەکان.

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.