هەواڵ 16, تشرینی دووه‌م 2018

کۆمپانیای Sharp مۆبایلی Aquos R2 Compactـی بە دوو نۆچ و Snapdragon 845ـەوە ڕاگەیاند

ساڵی ڕابردوو کۆمپانیای Sharp مۆبایلی Aquos R Compactـی ڕاگەیاند کە خاوەنی دوو نۆچ بوو یەکێکیان لە بەشی سەرەوەی ڕوونما و هەڵگری کامێرا بوو ئەوی دیکەش نۆچێکی گەورە بوو لە بەشی خوارەوە و هەڵگری هەستەوەری پەنجەمۆر بوو، ئەم مۆبایلەی کۆمپانیا خواستێکی زۆری لەسەر نەبوو بە هۆکاری ئەوەی لە ڕووی دیزاینەوە نایاب نەبوو بەڵام ئەمساڵ کۆمپانیای ناوبراو بە دیزاینێکی نوێ و دوو نۆچەوە مۆبایلی Aquos R2 Compactـی ڕاگەیاند.

مۆبایلەکە بە بەراورد بە Aquos R Compact ڕوونماکەی گەورەتر کراوە و خاوەنی دوو نۆچە یەکێکیان لە بەشی سەرەوە و هەڵگری کامێرایە ئەوی دیکەش لە بەشی خوارەوەی ڕوونمایە و هەڵگری هەستەوەری پەنجەمۆرە هەروەها جیاواز لە مۆبایلەکانی ئێستا خاوەنی یەک کامێرایە لە بەشی پشتەوە لەگەڵ یەک کامێرا لە بەشی پێشەوە و لەگەڵ ئەوەشدا وا دیارە مۆبایلەکە دەبێتە یەکێک لە بەهێزترین مۆبایلەکانی ئێستا بە هۆکاری ئەوەی کاردەکات بە پڕۆسێسەری Snapdragon 845 لەگەڵ نوێترین وەشانی ئەندرۆید، سەرەڕای ئاستی بەرزی مۆبایلەکە بەڵام خاوەنی باتریەکی توانست کەمە کە 2500 ملی ئەمپێرە.

گرنگترین تایبەتمەندیەکانی:-

  • ڕوونما: لە جۆری IGZO IPS LCD و بە قەبارەی 5.2 ئینج و بە ڕوونی 1080×2280 پێکسڵ و بە دووری 19:9 و پارێزراوە بە چینێک لە شوشەی پارێزەری Corning Gorilla Glass 3
  • پڕۆسێسەر: Snapdragon 845
  • ڕام: 4 گێگابایت
  • بیرگە: 64 گێگابایت و دەتوانرێت زیاد بکرێت لە ڕێگەی بیرگەی دەرەکی هەتاوەکو 512 گێگابایت
  • کامێرای پشتەوە: 22.6 مێگاپێکسڵ
  • کامێرای پێشەوە: 8 مێگاپێکسڵ
  • سیستمی وەگەڕخەر: ئەندرۆید پای 9.0
  • توانستی پاتری: 2500 ملی ئەمپێر و پشتگیری لە بارگاویکەرەوەی خێرا دەکات
  • دەرچە: Type-C
  • پاراستن: هەستەوەری پەنجەمۆر جێگیرکراوە لە بەشی پێشەوەی ڕوونما
  • ڕەنگ: سەوز و سپی و ڕەش
  • نرخ: ئاشکرا نەکراوە
  • بەرواری بەردەستبوون: ساڵی داهاتوو و بە تەنها لە یابان

سەرچاوە:

  • GSM Arena
تاگەکان Aquos R2 Compact Sharp
بۆچونی تۆ