10
هەواڵ 17, تشرینی دووه‌م 2018

دزەپێکردنی سەرجەم تایبەتمەندیەکانی مۆبایلی Honor 10 Lite

لە هەفتەی ڕابردوودا کۆمپانیای ئۆنەری سەر بە هواوەی ئاشکرایکرد کە دەیەوێت لە بەرواری 21/11/2018 کە دەکاتە چوارشەممەی داهاتوو مۆبایلی Honor 10 Lite ڕابگەیەنێت بە فەرمی، لەم ماوەیەشدا وەک کەی ئای تی ئێن سەرجەم هەواڵەکانمان سەبارەت بە هەر تایبەتمەندیەکی ئەم مۆبایلە دزەپێکرابێت بە باشترین شێوە گواستوومانەتەوە بەڵام ئەمڕۆ ماڵپەڕی TENAAـی چینی هەستا بە ئاشکراکردنی سەرجەم تایبەتمەندیەکانی ئەم مۆبایلە بە شێوەیەک لە پێشووتردا تەنها زانیاریمان لەسەر جۆری پڕۆسێسەر و هەندێک تایبەتمەندی دیکە بوو بەڵام ئەمڕۆ سەرجەم تایبەتمەندیەکانی دزەپێکران.

گرنگترین تایبەتمەندیە دزەپێکراوەکانی:-

  • ڕوونما: لە جۆری IPS LCD و بە قەبارەی 6.21 ئینج و بە ڕوونی 1080×2280 پێکسڵ و بە دووری 19:9
  • پڕۆسێسەر: هەشت ناوکی لە جۆری Hisilicon Kirin 710
  • ڕام: 4 یان 6 گێگابایت
  • بیرگە: 64 یان 128 گێگابایت و دەتوانرێت زیاد بکرێت لە ڕێگەی بیرگەی دەرەکی microSDـەوە هەتاوەکو 256 گێگابایت
  • کامێرای پشەوە: دوو کامێرا بە ڕوونی 13+2 مێگاپێکسڵ
  • کامێرای پێشەوە: دوو کامێرا بە ڕوونی 24+2 مێگاپێکسڵ
  • توانستی پاتری: 3320 ملی ئەمپێر
  • سیستمی وەگەڕخەر: ئەندرۆید پای 9.0 بە ڕووکاری EMUI 9.0
  • ڕەنگ: سپی و ڕەش و شین
  • پاراستن: هەستەوەری پەنجەمۆر جێگیرکراوە لە بەشی پشتەوە
  • نرخ: ئاشکرا نەکراوە
  • بەرواری بەردەستبوون: 21/11/2018

تاگەکان Honor 10 Lite
بۆچونی تۆ