فەیسبووک سەرقاڵی تاقیکردنەوەی تایبەتمەندی سەیرکردنی ڤیدیۆیە بە شێوەی گروپی

بە گوێرەی ڕاپۆرتێکی ماڵپەڕی تێککرەنچ، کە بە پشت بەستن بە جریوەیەکی بەرنامەداڕێژی بەناوبانگ Ananay Arora لەسەر تویتەر بڵاویکردووەتەوە و ئاماژەی بەوە کردووە فەیسبووک سەرقاڵی تاقیکردنەوەی سەیرکردنی ڤیدیۆیە بە شێوەی گروپی واتە بەیەکەوە لەسەر مێسنجەر. واتە بەکارهێنەران دەتوانن بانگهێشتی هاوڕێیانیان بکەن بە یەکەوە سەیری ڤیدیۆیەک بکەن لەسەر مێسنجەر.

.@Facebook is testing watch party for @messenger! pic.twitter.com/30Hpuo9Ccp

— Ananay Arora (@ananay_arora) November 14, 2018

بێگومان ئەم تایبەتمەندییە ڕێگە بە بەکارهێنەران دەدات لەگەڵ سەیرکردنی ڤیدیۆکە کۆمێنت و سەرەنج لەسەر ڤیدیۆکە بنوسن و لەگەڵیدا ڕا و بۆچوون ئاڵوگۆڕ بکەن. ئەمە سەرباری بەکارهێنانی کاردانەوەکان Reactions.

لە وەڵامێکیاندا بۆ ماڵپەری ناوبراو لەسەر ئەم بابەتە، فەیسبووک ئاماژە دەکات کە ئەم تایبەتمەندییە لە ئێستادا لەژێر تاقیکردنەوەیە و کاتێکی دیاریکراویان نییە کە کەی بەردەست دەبێت.

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە 8 ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!