خۆشترین یاریەکانی ئەنیمی بۆ هەردوو سیستمی ئەندرۆید و ئای ئۆ ئێس دابگرە

ئایا بینەری تەواوی فیلم و زنجیرە ئەنیمیە دڵخوازەکانت بوویت؟ بە هەمان شێوە مانگاکەیت (漫画) تەواو کردووە، ئەی چی دەربارەی یاری ئەنیمیەکان؟ هەر بۆیە لێرەدا وەک کاری هەمیشەییمان گرنگی دەدەین بە ئەپ و یاریە جیاوازەکان و لەم جارەشەدا کۆمەڵێک یاری ئەنیمیەکان دەکەینە پێشنیار بۆ ئێوەی خوێنەر.

Dragon Ball Legends

لە یاریەکەدا دەتوانیت ڕۆڵی کەسایەتیەکانی دراگۆن بۆڵ ببینیت لە باری چیرۆک و باری بەرەنگاربوونەوەش دژی یاریکەرانی دیکە.

• ئەندرۆید
• ئای ئۆ ئێس

Fate/Grand Order

یاریەکە کەسایەتیەکانی ئەنیمی Fate لە خۆدەگرێت و تیایدا دەتوانیت تیمی جیاواز لە سوارچاکە ئەفسانەییەکان پێکبهێنیت بۆ ڕووبەڕوو بوونەوەی دوژمنەکان و جەنگکردن لەگەڵیان.

• ئەندرۆید
• ئای ئۆ ئێس

Grancrest War: Quartet Conflict

ئەم یاریە نوێیە لە ساڵی 2018 و لەگەڵ بڵاوبوونەوەی زنجیرە ئەنیمی Record of Grancrest Warـدا بڵاوبوویەوە و یاریەکە بنیادنراوە لەسەر کەسایەتیەکانی ئەنیمیەکە هەروەها شێوازێکی هاوشێوەی هەیە لەگەڵ ئەو جۆرە یاریانەی ڕۆڵی کەسایەتیەکان دەگۆڕێتەوە بە شێوەیەک دەتوانیت لە کاتی یاریکردن و جەنگکردن لەگەڵ دوژمنەکانت لە جەنگاوەرێکەوە بڕۆیت بۆ جەنگاوەرێکی دیکە.

• ئەندرۆید
• ئای ئۆ ئێس

One Piece Treasure Cruise

https://youtu.be/Mif3VtID2d8

زنجیرە ئەنیمی وەن پیس ژمارەیەک کەسایەتی زۆر و جۆراوجۆر لە خۆدەگرێت کە هەر یەکەیان توانایەکی تایبەتی هەیە لە کاتی جەنگکردن، لێرەشدا و لە یاری ئەم ئەنیمیەدا زیاتر لە 1000 کەسایەتی ڕاستەقینەی نێو ئەنیمیەکە بەردەست کراوە بۆ ڕووبەڕوو بوونەوە لەگەڵ دوژمنەکانت.

• ئەندرۆید
• ئای ئۆ ئێس

SWORD ART ONLINE:Memory Defrag

https://youtu.be/_XVENbzjrD0

ناو و شێوازی یاریەکە وەرگیراوی زنجیرە ئەنیمی بەناوبانگی SWORD ART ONLINEـە و بە هەمان شێوەی هەندێک لە یاریەکانی پێشوو ئەم یاریەش دەتوانیت لە کاتی ڕووبەڕوو بوونەوەکانتدا ئەو کەسایەتیەی جەنگی پێدەکەیت ئاڵوگۆڕی بکەیت.

• ئەندرۆید
• ئای ئۆ ئێس

RWBY: Amity Arena

ئەم یاریە شێوازێکی تا ڕادەیەک هاوشێوەی یاری کڵاش ڕۆیاڵی هەیە بە شێوەیەک پێویستە کارتەکان کۆبکەیتەوە هەتاوەکو لە بەرەنگاربوونەوەکاندا بۆ پارێزگاری و هێرشکردن بەکاریانبهێنیت.

• ئەندرۆید
• ئای ئۆ ئێس

Tales of Erin

ئەگەر دەتەوێت جێگرەوەیەکی یاری Talesـی سەر ئامێری Xbox و PlayStation و نینتێندۆ پەیدا بکەیت ئەوا Tales of Erin گونحاوترینە هەرچەندە یاریەکە فەرمی نییە بەڵام چەندین پێکهاتەی هاوشێوەی زنجیرە ئەنیمیەکە لە خۆدەگرێت.

• ئەندرۆید
• ئای ئۆ ئێس

Tokyo Ghoul: Re Birth

یاریەکی دیکەیە و بە هەمان شێوە هەڵگری شێوازی ئاڵوگۆڕکردنی کەسایەتیەکانە لە کاتی جەنگکردندا، ناوازەیی و چێژ بەخشی یاریەکەش خۆی دەبینێتەوە لە هاوشێوەییەکی زۆری ئاستەکانی یاریەکە لەگەڵ زنجیرە فیلمی ئەنیمیەکە.

• ئەندرۆید
• ئای ئۆ ئێس

Ultimate Ninja Blazing

بێگومان ئەوانەی ئۆتاکۆن و بەردەوام بینەری ئەنیمین بە دڵنیایەوە بینەری زنجیرە فیلمی بەناوبانگی ناروتۆ بوون، هەر بۆیەش لە نێوان ژمارەیەکی زۆر لە یاریەکانی ئەم ئەنیمیە پێشنیاری یاری Ultimate Ninja Blazingـتان بۆ دەکەم، یاریەکە زیاتر لە 100 کەسایەتی جۆراوجۆر لە خۆدەگرێت ئەمەش بۆ بە ئەنجام گەیاندن و سەرکەوتوو بوونە لە ئاستە جیاوازەکانی نێو یاریەکە.

• ئەندرۆید
• ئای ئۆ ئێس

تێبینی:-

• گەر ئەپ و یاریەکان بە هۆی جیاوازی وڵاتەوە لە لات بەردەست نەبوو تەنها یەکێک لە ئەپی VPNـە خۆڕاییەکان بەکاربهێنە و وڵاتەکەت بگۆڕە بۆ وڵاتە یەکگرتووەکانی ئەمریکا (USA).

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.