کۆمپیوتەر 1, كانونی یه‌كه‌م 2012

دەستە بەرنامەی Windows Essentials 2012 v16 بۆ کۆمپیوتەرەکەت دابگرە.

دەستە بەرنامەی Windows Essentials 2012 v16 نەوەی داهاتووی دەستە بەرنامەی مایکرۆسۆفتە بۆ ئاسانترکردنی کارەکانت بە خزمەتگوزارییە ناوازەکانی ئەم دەستەیە. ئەم دەستەیە بەرنامەکانی ویندۆز لایڤ مێسنجەر و موڤی مەیکەر و لایڤ مەیل و لایڤ گەلاری و لایڤ ڕایتەر و …هتد لە خۆی دەگرێت.

لەم وەشانە تازەیە ویندۆز لایڤ مێسنجەر ڕووکارێکی شێوە فەیسبووکی دراوەتێ و لەگەڵ فەیسبووک و لینکد ئین تێک هەڵکێشکراوە. سەبارەت بە موڤی مەیکەر ڕێگەت پێدەدات کە ڤیدیۆکانت یەکبخەیت و بە چەند کلیکێک ئەپڵۆدی یوتیوبیان بکەیت. بەرنامەی لایڤ گەلاریش جگە لەم هەموو تایبەتمەندیانەی هەیەتی، ئێستا ڕێگەت پێدەدات لەسەر فەیسبووک و فلیکەر و سمەگمەگ وێنەکانت شێربکەیت. سەبارەت بە لایڤ ئیمەیڵیش ئێستا لەگەڵ خزمەتگوزارییەکانی ئیمەیڵی جیمەیڵ و یاهوو و هۆتمەیل بێ کێشە کاردەکات. شایەنی باسە بەرنامەی لایڤ ڕایتەریش کە بەرنامەی نوسینە ئێستا ڕێگەت پێدەدات بە نوێکردنەوەی بابەتەکانت لە بڵۆگەر و ۆردپرێس و پێگەکانی تری بلۆگکردن.

لەگەڵ ئەم وەشانە نوێیەدا ئێستا ویندۆزەکەت سکایدرایڤی لەسەر دەبێت کە ڕێگەت پێدەدات پەڕگەکانت لە کلاوددا بپارێزیت!

لێرە داونلۆدی بکە:

تێبینی: لە ئێستادا ئەم دەستە بەرنامەیە تەنها پشتگیری ویندۆز ٧ و ویندۆز ٨ دەکەن.


بۆچونی تۆ