10
هەواڵ 29, تشرینی دووه‌م 2018

کۆمپانیای ZTE مۆبایلی Nubia Red Magic Marsـی بە ڕامی 10 گێگابایت و Snapdragon 845ـەوە ڕاگەیاند

کۆمپانیای Nubia کە نیشانەیەکی بازرگانی ZTEـە لە ماوەی ڕابردوودا مۆبایلی Nubia Red Magic Marsـی تایبەت بە گەیمەرانی ڕاگەیاند، مۆبایلەکە کاردەکات بە پڕۆسێسەری Snapdragon 845 و لە لاتەنیشتەکانی مۆبایلەکەش دوو دوگمەی هەستەوەر جێگیرکراون کە دەتوانرێت بەکاربهێنرێت لە کاتی یاریە ڤیدیۆیەکان و لەرینەوە دروست دەکەن لە کاتی دەست لێدانیان لەگەڵ ئەوەشدا لە بەشی پشتەوەی هێڵێک بوونی هەیە ئەمەش بۆ دروستکردنی کاردانەوەیەکی لەمسی چوار دووریە.

هەروەها مۆبایلەکە خاوەنی چەند بڵندگۆیەکە کە پشتگیری لە تەکنەلۆژیای دەنگی DTS 7.1 دەکات ئەمەش بۆ بەردەستکردنی تاقیکردنەوەیەکی دەنگی ناوازەیە بۆ بەکارهێنەر لە کاتی ئەنجامدانی یاریەکان و دەشتوانیت دەسکی بێتەلی بۆ بکڕیت ئەگەر ئارەزووی دەستکەوتنی دوگمەی زیاتر دەکەیت لە کاتی ئەنجامدانی یاریەکان، هەروەها لە پاکەتی مۆبایلەکە گەیەنەرێک بوونی هەیە کە هەڵدەستێت بە پەیوەستکردنی دەرچەی بارگاویکردنەوەی USB Type-C لەگەڵ دەرچەی بیستۆکی 3.5mm، سەرەڕای ئەمانەش لەگەڵ مۆبایلەکەدا بیستۆکێک بوونی هەیە کە دەتوانیت مایکرۆفۆنی لەگەڵدا پەیوەست بکەیت.

گرنگترین تایبەتمەندیەکانی:-

  • ڕوونما: لە جۆری LTPS IPS LCD بە قەبارەی 6 ئینج و بە ڕوونی +FullHD و بە دووری 18:9
  • پڕۆسێسەر: Snapdragon 845
  • ڕام: 6 یان 8 یان 10 گێگابایت
  • بیرگە: 64 یان 128 یان 256 گێگابایت
  • کامێرای پشتەوە: 16 مێگاپێکسڵ
  • کامێرای پێشەوە: 8 مێگاپێکسڵ
  • سیستمی وەگەڕخەر: ئەندرۆید پای 9.0 بە ڕووکاری nubia Red Magic OS
  • توانستی پاتری: 3800 ملی ئەمپێر و پشتگیری لە بارگاویکەرەوەی خێرا دەکات بە توانای 16 وات
  • ڕەنگ: ڕەش و سوور و جۆرێکی تایبەت کە ناسراوە بە Camouflage
  • نرخ: 388$ بۆ جۆری 6/64 گێگابایت و 460$ بۆ جۆری 8/128 گێگابایت و 575$ بۆ جۆری 10/256 گێگابایت

6

تاگەکان Nubia Red Magic Mars ZTE
بۆچونی تۆ