ئەندرۆید 6, كانونی یه‌كه‌م 2018

گووگڵ ئەپەکانی CM File Manager و Kika Keyboardـی به‌ هۆكارێک له‌ گووگڵ پله‌یـدا سڕییه‌وه‌

بێگومان له‌ نێو ٢.٦ ملیۆن ئەپی جۆراوجۆر له‌ناو گووگڵ پله‌ی كه‌ هه‌ندێكیان خاوه‌نی كۆدی زیانبه‌خش و ڤایرۆساوین، ئه‌سته‌مه‌ گشتیان كۆنتڕۆڵ بكرێن، به‌ڵام گووگڵ وه‌ک هه‌میشه‌ به‌ڵێنی ئه‌وه‌ ده‌دات و ده‌یه‌وێت باشترین و پارێزراوترین ئەپەکان بخاته‌ به‌رده‌ستی به‌كارهێنه‌رانی. ئه‌مڕۆ گووگڵ ٢ ئه‌پی سه‌ر به‌ كۆمپانیای Cheetah Mobileـی چینی له‌ ناو كۆگای گووگڵ پله‌یدا سڕییه‌وه‌ كه‌ خاوه‌نی ڕێكلامی ناڕاست بوون.

ئه‌په‌كانی CM File Manager و Kika Keyboard خاوه‌ن جۆرێكی ڕێكلام بوون له‌ نێویاندا به‌ناوی Ad fraud
كه‌ جۆره‌ ڕێكلامێكی ناڕاسته‌ و وا ده‌رده‌خات به‌ کرته‌ كردنی فایلێكت بۆ دادەگرێت، به‌ڵام له‌ ڕاستیدا هیچ كردارێكت بۆ ناكات و له‌گه‌ڵ هه‌ر كردنه‌وه‌یه‌كی بڕه‌ پاره‌یه‌ک كه‌ له‌ نێوان 0.50 – 3.00 دۆلاردایه‌ ده‌چێته‌ سه‌ر هه‌ژماری گه‌شه‌پێده‌ره‌كه‌ و
هه‌ر بۆیه‌ ئه‌م جۆره‌ كاره‌ ده‌چێته‌ چوارچێوه‌ی فێڵكردنه‌وه‌.

به‌ زوویی گووگڵ به‌ بوونی جۆره‌ ڕێكلامه‌كه‌ی زانی و هه‌ردوو ئه‌په‌كه‌ی له‌ كۆگای گووگڵ پله‌ی سڕییه‌وه‌. پێشنیارتان بۆ ده‌كه‌ین ئه‌گه‌ر ئه‌په‌كانی سه‌ر به‌ كۆمپانیای كۆمپانیای Cheetah Mobileـتان داگرتووه‌ بیسڕنه‌وه‌ بە مه‌به‌ستی دوورکەوتنەوە له‌ هه‌ر فێڵێک. ئه‌په‌كان پێكهاتوون له‌مانه‌:

  • Clean Master
  • Security Master
  • CM Launcher 3D
  • Kika Keyboard (owned by Kika Tech)
  • Battery Doctor
  • Cheetah Keyboard
  • CM Locker
  • CM File Manager
سەرچاوە :
بۆچونی تۆ