نۆكیا مۆبایلی Nokia 8.1 بە کامێرای سێڵفی 20 مێگاپێکسڵەوە نمایش كرد

له‌ دوای تێپه‌ڕبوونی هه‌فته‌یه‌ک كه‌ چه‌ند زانیاری و وێنه‌ی دزه‌پێكراومان له‌سه‌ر Nokia 8.1 بڵاوه‌ پێكرد، ئه‌مڕۆ ٦ی ١٢  به‌ فه‌رمی نۆكیا مۆبایله‌كه‌ی نمایشكرد.

نه‌وه‌كه‌ی زنجیره‌ی ٨ـی نۆكیا ئاستێكی به‌رزی هه‌یه‌ و خاوه‌ن دیزاینێكی نایابه‌، خاوه‌ن ٢ كامێرای ئاست به‌رزه‌‌ له‌ پشته‌وه‌ و كامێرایه‌كی دیكه‌ له‌ پێشه‌وه‌. هه‌روه‌ها پڕۆسێسەری سناپدراگۆن ٧١٠ـی له‌سه‌ر جێگیر كراوه‌ له‌گه‌ڵ ڕامێک به‌ فراوانی ٤ گێگابایت.

مۆبایله‌كه‌ خاوه‌ن ده‌رچه‌ی بیرگه‌ی ده‌ره‌كی (microSD)ـه‌ له‌گه‌ڵ هه‌بوونی ده‌رچه‌ی ٣.٥ میلیمه‌تری هێدفۆن و هه‌سته‌وه‌ری په‌نجه‌مۆر له‌ به‌شی پشته‌وه‌ی.

تایبه‌تمه‌ندییه‌كانی تری بریتین له‌:

• وه‌شانی جێگیركراو: Android 9 Pie.
• قه‌باره‌: ١٥٤.٨ به‌ ٧٥.٧٦.
• كێش: ١٨٠ گرام.
• ڕوونما: ٦.١٨ ئینج.
• پڕۆسێسه‌ر: Qualcomm Snapdragon 710.
• ڕام: ٤ گێگابایت.
• بیرگه‌ی ناوه‌كی: ٦٤ گێگابایت.
• كامێرای پشته‌وه‌: كامێرای یه‌كه‌م ١٢ مێگاپێكسڵ، كامێرای دووه‌م ١٣ مێگاپێكسڵ.
• كامێرای پێشه‌وه‌(سێڵفی): ٢٠ مێگاپێكسڵ.
• باتری: ٣,٥٠٠ میلی ئه‌مپێر\كاتژمێر.

  نه‌وه‌ نوێیه‌كه‌ی زنجیره‌ی ٨ به‌ نرخی €399 – $450 له‌ ناوه‌ڕاسته‌كانی ئه‌م مانگه‌دا به‌رده‌ست ده‌كرێت بۆ كڕین به‌ هه‌رسێ ڕه‌نگی شینی تێكه‌ڵكراو به‌ زیو، مسی سوور، زیوی.

ماکوان بەرزان

نووسەری پێشکەوتوو، هەوادار و گەشەپێدەری سەکۆکانی ئەپڵ.