گەرمترین 7, كانونی یه‌كه‌م 2018

نه‌خشه‌ی نوێ (Map) له‌ وه‌شانی داهاتووی PUBG Mobile زیاد ده‌كرێت

یاری PUBG Mobile به‌رده‌وامه‌ له‌ زیادبوونی یاریكه‌ره‌كانی و به‌ ده‌ستهێنانی سه‌ركه‌وتنی زیاتر به‌سه‌ر یاری Fortnite و ئه‌وانی دیكه‌، هەروەک له‌ چه‌ند ڕۆژی ڕابردوو بووه‌ براوه‌ی باشترین یاری ساڵی ٢٠١٨ ی گووگڵ پله‌ی و خه‌ڵاتی ئاڵتونی ساڵی ٢٠١٨ ـی Joystick. هه‌ر بۆیه‌ ده‌یه‌وێت له‌ ڕێگای نوێكارییه‌كان و زیادكردنی نه‌خشه‌كانه‌وه‌ هێنده‌ی تر خۆی له‌ لای یاریكه‌ران خۆشه‌ویستتر بكات.

له‌ وه‌شانی 0.10.0ی یارییه‌كه‌ نه‌خشه‌یه‌كی نوێ زیاد ده‌كرێت به‌ ناوی Vikendi كه‌ نه‌خشه‌یه‌كی به‌فرییه‌ و ته‌واوی كه‌شوهه‌وای نه‌خشه‌كه‌ به‌فره‌.

یه‌كێک له‌ زیادكراوه‌كانی ناو نه‌خشه‌كه‌ ئۆتۆمبێلی ناو به‌فر (snowmobile) ده‌بێت كه‌ یاریكه‌ران توانای لێخوڕینیان ده‌بێت له‌ ناو نه‌خشه‌ نوێیه‌كه‌دا. هه‌رچیش ده‌رباره‌ی مه‌ودای نه‌خشه‌كه‌یه‌، ڕووبەرەکەی پێكهاتووه‌ له‌ ٦ به‌ ٦ كیلۆمه‌تر.

له‌ به‌رواری ٢٠ـی ئه‌م مانگه‌دا نه‌خشه‌كه‌ به‌رده‌ست ده‌بێت بۆ دابه‌زاندن له‌ ناوخۆی یارییه‌كه‌دا.

وا چاوه‌ڕوان ده‌كرێت له‌ وه‌شانه‌ نوێیه‌كه‌ی یارییه‌كه‌دا زمانی عه‌ره‌بی ببێته‌ یه‌كێک له‌ نوێكارییه‌ زیادكراوه‌كان.

سەرچاوە :
بۆچونی تۆ