سامسۆنگ مۆبایلی Galaxy A8Sـی بە چاڵی ڕوونما و ڕامی 8 گێگابایەتەوە ڕاگەیاند

هەروەک لە پێشووتردا ئاماژەمان پێدابوو ئەمڕۆ بە فەرمی کۆمپانیای سامسۆنگ مۆبایلی Galaxy A8Sـی ڕاگەیاند، بەمەش دەبێتە یەکەم مۆبایل لە جیهاندا کە خاوەنی چاڵی ڕوونمایە و کامێرای پێشەوەی تێدا جێگیر کراوە لەگەڵ ئەمانەشدا سامسۆنگ ڕوونمای مۆبایلە نوێیەکەی بە Infinity-O ناودەبات و ڕوونیەکەی +FullHDـیە، هەروەها Galaxy A8S لە ڕووکاری پشتەوەی هەڵگری سێ کامێرایە و لە تەنیشت کامێراکەشدا هەستەوەری پەنجەمۆر جێگیر کراوە.

گرنگترین تایبەتمەندیەکانی:-

• ڕوونما: لە جۆری IPS LCD و بە قەبارەی 6.4 ئینج و بە ڕوونی 1080×2340 پێکسڵ.
• پڕۆسێسەر: هەشت ناوکی لە جۆری Snapdragon 710
• ڕام: 6 یان 8 گێگابایت
• بیرگە: 128 گێگابایت و دەتوانرێت زیاد بکرێت لە ڕێگای بیرگەی دەرەکی microSDـەوە هەتاوەکو 512 گێگابایت
• کامێرای پێشەوە: 24 مێگاپێکسڵ بە کراوەی هاوێنەی f/2.0
• کامێرای پشتەوە: سێ کامێرا بە ڕوونی 24+10+5 مێگاپێکسڵ
• سیستمی وەگەڕخەر: ئەندرۆید پای 9.0
• توانستی پاتری: 3400 ملی ئەمپێر و پشتگیری لە بارگاویکەرەوەی خێرا دەکات
• دەرچە: Type-C
• ڕەنگ: شین و خۆڵەمێشی و سەوز
• پاراستن: هەستەوەری پەنجەمۆر جێگیر کراوە لە بەشی پشتەوەی ڕوونما
• نرخ: ئاشکرا نەکراوە
• بەرواری بەردەستبوون: لە 21/12/2018 بەردەست دەبێت لە چین و بەکارهێنەران دەتوانن داواکاری پێشوەختەی بۆ ئەنجام بدەن

سەرچاوە:-

• GSM Arena

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.