هەواڵ 12, كانونی یه‌كه‌م 2018

ڤیڤۆ مۆبایلی Vivo NEX Dual Display Editionـی بە دوو ڕوونما و ڕامی 10 گێگابایتەوە ڕاگەیاند

پاش زنجیرەیەکی دوور و درێژ لە هەواڵە دزەپێکراوەکان سەبارەت بە مۆبایلە نوێیەکە، کۆمپانیای ڤیڤۆ لە ڕۆژی ڕابردوودا مۆبایلی Vivo NEX Dual Display Editionـی بە فەرمی ڕاگەیاند” مۆبایلەکە لە هەموو ڕوویەکەوە ناوازەیە و خاوەنی چەندین تایبەتمەندیە بە شێوەیەک خاوەنی دوو ڕوونمایە یەکێکیان لە بەشی پشتەوە و ئەوی دیکەشیان لە بەشی پێشەوە، سەرەڕای ئەوەش خاوەنی هیچ کامێرایەک نییە لە بەشی پێشەوە چونکە دەتوانیت لە ڕێگەی کامێراکانی بەشی پشتەوە لەگەڵ ڕوونمای جێگیر کراو بە هەمان شێوە لە پشتەوە وێنە سێڵفیەکانت بگریت.

دەربارەی بەشی پشتەوەی مۆبایلەکە ئەوا خاوەنی سێ کامێرایە، لەگەڵ ئەوەشدا کامێرای سێیەمی مۆبایلەکە خاوەنی تایبەتمەندی Time Of Flightـە کە بەکارهێنەر لە ڕێگایەوە دەتوانێت پێوانەی مەوداکان بکات و هەستەوەری ناسەرەوەی ڕووخساری مۆبایلەکە بەکاربهێنێت، لەگەڵ هەموو ئەم تایبەتمەندیە ناوازەیەدا مۆبایلەکە خاوەنی هەستەوەری پەنجەمۆری ژێر ڕوونمایە، سەبارەت بە پاتریش خاوەنی پاتریەکە بە توانستی 3500 ملی ئەمپێر و پشتگیری لە بارگاویکەرەوەی خێراش دەکات بە خێرایی 22.5 وات هەروەها بیرمان نەچێت مۆبایلەکە کاردەکات بە پڕۆسێسەری بەهێزی کوالکۆم Snapdragon 845.

گرنگترین تایبەتمەندیەکانی:-

  • ڕوونمای پێشەوە: لە جۆری Super AMOLED و بە قەبارەی 6.39 ئینج و بە ڕوونی +FullHD
  • ڕوونمای پشتەوە: لە جۆری Super AMOLED و بە قەبارەی 5.49 ئینح و بە ڕوونی FullHD
  • پڕۆسێسەر: هەشت ناوکی لە جۆری Snapdragon 845
  • ڕام: 10 گێگابایت
  • بیرگە: 128 گێگابایت و ناتوانرێت زیاد بکرێت لە ڕێگەی بیرگەی دەرەکیەوە
  • کامێرای پشتەوە: سێ کامێرا بە ڕوونی 12+2 مێگاپێکسڵ و کامێرای سێیەم خاوەنی تایبەتمەندی Time Of Flightـە
  • سیستمی وەگەڕخەر: ئەندرۆید پای 9.0 بە ڕووکاری Funtouch OS 4.5
  • پاراستن: هەستەوەری پەنجەمۆری ژێر ڕوونما
  • توانستی پاتری: 3500 ملی ئەمپێر و پشتگیری لە بارگاویکەرەوەی خێرا دەکات بە خێرایی 22.5 وات
  • نرخ: 4998 یوانی چینی 720$ دۆلار
  • بەرواری بەردەستبوون: لە 29/12/2018 بەردەست دەبێت لە چین

سەرچاوە:-

  • GSM Arena
بۆچونی تۆ