وه‌شانی Android 9 Pie بۆ Nokia 8 به‌رده‌ست كرا

کۆمپانیاکانی تایبەت بە مۆبایلە زیرەکەکان هەنگاو بە هەنگاو وەشانە نوێیەکەی ئەندرۆید  Android 9 Pie ڕەوانەی مۆبایلە نوێیەکانیان دەکەن، بۆ ئەم مەبەستەش کۆمپانیای نۆکیا هەنگاوێکی باشی ناوە بۆ ڕەوانەکردنی وەشانەکە بۆ مۆبایلەکانی.

لەدوای ئەوەی کە لەمانگی ڕابردووەوە دەنگۆ هەبوو کە بەم نزیکانە وەشانی Android 9 Pie ڕەوانەی Nokia 8 دەکرێت، دواجار ئەمڕۆ نۆکیا وەشانەکەی ڕەوانەی مۆبایلەکەی زنجیرەی ٨ کرد، وەشانەکە ژمارەی 5.110 ـه‌ و قەبارەی ١٥٧٥ مێگابایتە.

نوێکارییە دیارەکانی وەشانەکە بریتین لە؛ گۆڕانکاری لە لیستی ڕێکخستنەکان و ئاگادارکەرەوەکان و ئاڕاستەی سیستەمی نوێ و لەخۆگرتنی Google Security Patch ـی  مانگی ١٢ ـی ٢٠١٨، لەگەڵ باشترکردنی ئاستی ڕووناکی ڕوونما لە ئامێرەکەدا و زیاتر.

بۆ بەدەستخستنی نوێکارییەکە، پێویستە لەم بەستەرەوە خۆت تۆماربکەیت و ژمارەی IMEI ـی مۆبایلەکەت بنوسیت، لەپاشان نۆکیا نوێکارییەکەت بۆ ڕەوانە دەکات و لەبەشی Software Update ـی  Settings نوێکارییەکە دادەبەزێنرێت.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەری iOS، هەواداری  و خوێندکاری پەیمانگەی زانستی کۆمپیوتەر.