ئەپی بەناوبانگی دەستکاریکردنی وێنە Darkroom بە زیادکردنی پشتگیری لە ئایپاد و تایبەتمەندی زیاترەوە نوێکرایەوە

ئەپی بەناوبانگی Darkroom تایبەت بە دەستکاریکردنی وێنە لە ساڵی ٢٠١٥ـەدا یەکەمین وەشانی بۆ سیستەمی iOS و ئایفۆن بەردەستکرا، لەو کاتەوە تا وەکو ئێستا دەیان هەزار بەکارهێنەری هەیە، و بەردەوامیش ژمارەی بەکارهێنانی ڕوو لە زیادبوون دەکات.

لەمانگی ڕابردوودا دەستەی پەرەپێدەری ئەپەکە ڕایانگەیاند کە بەمنزیکانە وەشانی ٤.٠ـی ئەپەکە دەوەشێندرێت بە زیادکردنی پشتگیری ئایپاد، و چەند تایبەندمەندییەکی گرنگی ترەوە. دواجار وەشانەکە بەردەستکرا بۆ بەکارهێنەران و دەتوانن ئەپەکە بۆ ئامێرەکانیان دابگرن.

یەکێک لە گۆڕانکارییەکانی وەشانە نوێیەکەی ئەپەکە زیادکردنی پشتگیرییە بۆ ئایپاد، لەمەودوا بەکارهێنەرانی ئایپاد پڕۆ و ئایپادە کۆنەکانی دیکە دەتوانن ئەپەکە بەکاربهێنن بۆ دەستکاری کردنی وێنەکانیان.

بە پوختی گۆڕانکارییەکانی وەشانە نوێکە بریتین لە:

• نوێکردنەوەی وێنۆچکەی فەرمی ئەپەکە
• زیادکردنی پشتگیری بۆ ئامێری ئایپاد
• زیادکردنی قەدبڕەکانی تەختەکلیل (Keyboard Shortcuts) بۆ ئایپاد
• پشتگیری کردن لە فرەکاری Multi-Taskـی ئایپاد
• زیادکردنی پشتگیری شێوە ئاسۆی (Portrait) بۆ ئایفۆن
• زیادکردنی تایبەتمەندی Photo Strip کە ڕێگە دەدات بەئاسانی وێنەکان لە ڕەنگاڵەی واتە Photosـی ئایپادەوە هاوردە بکەیت
• زیادکردنی پشتگیری بۆ ئەپی Moment – Pro Camera، ئێستا هەردوو ئەپ زیاتر هاوتان لەگەڵ یەکدا.
• زیادکردنی هیستۆگرامی ڕەنگەکان
• وردە زیادکاری دیکە بۆ بەشی کەرەستەکانی ئەپەکە

بە نرخی خۆڕایی (كڕین له‌ناو ئه‌پ بۆ كردنه‌وه‌ی چه‌ند تایبه‌تمه‌ندییه‌ک) و قەبارەی ٤٠ مێگابایت و گونجاو لەگەڵ وەشانی iOS 11.0 بەرەو سەرەوە بۆ هەردوو ئامێری ئایفۆن و ئایپاد بەردەستە.

بۆ داگرتنی بۆ ئایفۆن کرتە بکە
بۆ داگرتنی بۆ ئایپاد کرتە بکە

ماکوان بەرزان

نووسەری پێشکەوتوو، هەوادار و گەشەپێدەری سەکۆکانی ئەپڵ.