فەیسبووک ئەپڵیکەیشنی Poke بڵاودەکاتەوە.

دیارە فەیسبووک دەیەوێت بەشێکی تایبەت بەخۆی لە سەر سیستەمی ئای ئۆ ئێسی ئەپڵ دروست بکات. ئەوەتا ئەپی فەرمیان بەناوی فەیسبووک هەیە و چەند لق وپۆپێک تریش بۆ نمونە Cameraو Pages, و Messengerو ئەمڕۆش یەکێکتر بۆ ئەم لیستەی زیاد دەکات بەناوی Poke. ئەمڕۆ فەیسبووک بەفەرمی ئەپی فەیسبووک پۆکی ڕاگەیاند کە ئەپێکە تایبەتە بە پۆکی هاوڕێیان بە ناردنی پەیام و وێنە و ڤیدیۆی خێرا.

فەیسبوک مەبەست لەپشتەوەی ئەم ئەپە لەسەر بڵۆگی خۆیان بەم شێوەیە ڕووندەکەنەوە:

لەگەڵ ئەپی پۆک، تۆ دەتوانیت پەیام و ڤیدیۆ و وێنە  بۆ هاوڕێکانی فەیسبووکت پۆک بکەیت یان بنێریت بۆ شێرکردنی و ئاگادارکردنیان تۆ بە چییەوە سەرقاڵی. تۆ دەتوانیت تەنها یەک هاوڕێ یان چەندان بەیەکەوە پۆک بکەیت. هەر پەیامێک لەدوای کاتی دیاری کراو بەسەر دەچێت جا ١ یان ٣ یان ٥ یان ١٠ چرکەبێت. کاتێک کات تەواودەبێت ئەوا پەیامەکە لەسەر ئەپەکە ون دەبێت.

تۆش گەر دەتەوێت تاقی بکەیت و ئارەزووی پۆک کردنی هاوڕێیان دەکەیت لێرەوە لە ئەپستۆر بە خۆڕای ئەپی Poke دابەزێنە.

سەرچاوە http://newsroom.fb.com

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە 8 ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!