LG بە فەرمی لاپتۆپی Gramـی 17 ئینجی بە نوێترین نەوەی پڕۆسێسەرەکانی ئینتێڵەوە ڕاگەیاند

کۆمپانیای ئێڵجی بە فەرمی نوێترین لاپتۆپی لە زنجیرەی گرام، کە بە کەم کێشی و جوانی دیزاینیان ناسراون، بە ناوی LG Ultralight 17-inch Gram ڕاگەیاند. ئەم لاپتۆپە نوێیە سەرباری ڕوونما گەورەکەی، کێشەکەی کەمترە لە ٣ پاوەند کە دەکاتە ١,٣٦٠ گرام. هەروەک ئەم لاپتۆپە بە پڕۆسێسەری نەوەی هەشتەمی Core i7 بەهێزکراوە، و بیرگەی ٥١٢ی لە جۆری SSD، و ڕامی ١٦ گێگابایتی هەیە. ڕوونی ڕوونماکەی 2560×1600 پێکسڵە، کە بەداخەوە لەچاو هەندێک لاپتۆپی هەمان ئاست زۆر کەمە و لە ئاستی تواناکانی تری لاپتۆپەکە نییە.

شایەنی باسە، پاتری ئەم لاپتۆپە توانای بەرگەگرتنی تا ١٩ کاتژمێرە، ئەمەش بێگومان بەرگەگرتنێکی زۆرە لە چوارچێوەی لاپتۆپدا. لاپتۆپەکە خاوەنی سێ دەرچەی جۆری USB-A 3.1ـە، و دەرچەیەکی USB-Cـیە. هەروەها خاوەنی دەرچەی بیستۆک و مایک، و خوێنەری کاردی جۆری microSDـیە. ئەمە سەرباری بوونی HDMI و پەنجەمۆر.

نرخی ئەم لاپتۆپە لە ١٦٩٩,٩٩ دۆلارەوە دەست پێدەکات و بەم زووانە فرۆشی لە فرۆشگاکان دەست پێدەکات.

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە 8 ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!