فەیسبووک 23, كانونی یه‌كه‌م 2018

فەیسبووک بە ملیۆنێک دۆلار هاوکاری ویکیمیدیا دەکات

ڕێکخراوی ویکیمیدیا ڕایگەیاند بەخششێکی ملیۆن دۆلاریان لە گەورە تۆڕی کۆمەڵایەتی فەیسبووکەوە پێ گەیشتووە، کە هەنگاوێکی هیوا بەخشە بۆ سەرەتایەکی نوێی هەماهەنگی لە پشتگیریکردن لە داهاتووی ویکیپیدیا.

ویکیمیدیا پشت بە بەخشش و یارمەتییەکان دەبەستێت بۆ تێچووی پڕۆژەکانی، کە ئەم پڕۆژانە خزمەتگوزاری خۆڕایی بۆ ملیۆنان بەکارهێنەر پێشکەش دەکەن. جێگای ئاماژەیە، دوو ساڵ لەمەوبەر، ڕێکخراوی ناوبراو دەستی بە هەڵمەتێک کرد بۆ کۆکردنەوەی ١٠٠ ملیۆن دۆلار، بەڵام تا هێشتا نیوەی ئەو ئامانجەی پێکاوە.

لەم دواییانەدا فەیسبووک تایبەتمەندیەکی نوێی بەگەڕخست بە پشت بەستن بە پەڕەکانی ویکیپیدیا، تا بتوانێت زانیاری دەربارەی سەرچاوەکانی هەواڵ و بابەتەکان بە بەکارهێنەران بدات. بێگومان ساڵانێکە فەیسبووک پشت بە ویکپیدیا دەبەستێت بۆ دروستکردنی پەڕە بۆ بابەت و زانیارییە جیهانی و گرنگەکان.

شایەنی باسە، تا ئێستا ژمارەیەک لە کۆمپانیای بەناوبانگی تەکنەلۆژی هەن کە یارمەتی ویکمیدیایان داوە لە ماوەی ڕابردوودا، ئەوانیش: ئەمەزۆن، کوالکۆم و نێتفلیکس و … هتد.

 

 

سەرچاوە :
تاگەکان Facebook Wikimedia wikipedia
بۆچونی تۆ