ئای ئۆ ئێس 24, كانونی یه‌كه‌م 2018

7 یاری بەهێزی مانگی 12 بۆ مۆبایلەکەت

ئەم ساڵ و بە تایبەت لەم چەند مانگەدا ماوەیەکی بە چێژ بووە بۆ یاریکەران لەسەر مۆبایلەکان. بەوەی بەناوبانگترین و باشترین یارییەکان بەردەست بوون. لێرە ٧ لەو یارییە بەهێزانە بۆ مۆبایلەکەت دابگرە کە لەم مانگەدا و لە مانگی پێشوودا کۆگاکانی ئایفۆن و ئەندرۆیدیان هەژاندووە.

Brawl Stars

یارییەکە لە شێوەی دەستە بەرامبەر دەستەیە، ٣ کەس بەرامبەر ٣ لە نەخشەیەکی بچووکدا شەڕ دەکەن، بەڵام پێویستە شەڕێکی ستراتیژییانە بێت بۆ ئەوەی ئەڵماسی تەواو کۆ بکەیتەوە، ئەمەش جگە لەوەی شەڕی جۆراوجۆری تێدایە لەوانە شەڕکردن لەوانە گۆڵکردن و یاری Solo. چێژ لە زۆرترین ڕۆڵگێڕی بە توانا وەربگرە بە چەک و جوڵەی جۆراوجۆر، لەگەڵ ڕووکاری جل و بەرگ بۆ ئەم ڕۆڵگێڕانە، ئەگەر دایبگریت وازی لێناهێنیت. ئەمەش سەرکەوتوویی یارییەکانی کۆمپانیای سوپەر سێڵە. لە ناو یارییەکەدا هەندێک شت هەیە کە بە پارەی ڕاستەقینە دەکڕدرێن، بەڵام نەشیکڕیت یاری دەکەیت و خۆڕاییە.

Star Trek Fleet Command

یارییەکە لە شەڕەکانی بۆشایی ئاسمان. سەرهێڵە و لەگەڵ خەڵکانی ڕاستەقینە یاری دەکەیت. کەشتیە جەنگیەکەت دروست دەکەیت و ماوە بە ماوە بەهێزی دەکەیت ئەویش بە دۆزینەوە و دەستکەوتنی پارچەکانی. ڕۆڵگێڕی تایبەتیش دروست دەکەیت و دەستکاری دەکەیت. هەروەها دەبێت ئاگاداری بنکەکەشت بیت و پاریزگاری بکەیت لە هێرشەکان.

Siralim 3

ئەمەش بە هەمان شێوە یارییەکی کلاسیکییە. دڕندەکان ڕادەهێنێت و بە دەستی دەهێنێت. هەمان گرافیکی سەردمی ١٩٩٠ بەکاردێنێت و لەگەڵ ئەمەشدا نرخی ٥ دۆلارە. ئەم یارییە ٧٠٠ دڕندە بۆ کۆکردنەوە لە خۆ دەگرێت. زیاتر لە ڤیدیۆکە ببینە.

Turn Undead 2: Monster Hunter

یارییەکی تەقەکەری کلاسیکییە. هەروەها یەکێکە لەو یاریانەشی کە هزرین و پێویستی بە بیکردنەوەی یاریکەرە بۆ بڕینی ئاستەکان ئەویش بە ڕێکخستنی هەندێک ماددە بۆ دەربازبوون. پێویستە لە سەرت کە دڕندەکان بکوژیت ئەمەش لە ڕێی چەندین جۆری چەک. بەڵام ئاگاداری تەڵە و جووڵەی تەنەکان بە.

Bendy and the Ink Machine

جیهانی بێندی ناخۆشە، چونکە تاریکییەکی ترسناکە. بێندی سەر لە ڕووداوە سەیرەکان دەر ناکات، چونکە لە جیهانێکی سەیرە و لەلایەن بزوێنەرێکەوە کۆنتڕۆڵکراوە. Bendy and the Ink Machine یارییەکی بەناوبانگە و پێشتر تەنیا لە کۆمپیوتەر بەردەست بووبوو، کە لە چەندین بەش پێکهاتووە. ئێستاش بە خۆشحاڵییەوە ئەم یارییە بۆ سەر مۆبایلەکان پۆرت کراوە(وەشێنراوە).

ROME: Total War

یارییەکی نوێی ستراتیژییە. بیرکردنەوەی قوڵی دەوێت تا سەربازەکان بجوڵێنیت و بنکەکان داگیر بکەیت. تۆ سەربازەکانت ڕادەهێنیت و شارەکەت دروست دەکەیت و پاشان ئامادەیان دەکەیت بۆ شەڕ. یارییەکە بە نرخی ٩.٩٩ دۆلار. لەم ڤیدیۆیە زیاتر ببینە:

یارییەکی نوێی پێشبڕکێ و شەڕکردنیشە. بە ناو نەخشە و ڕێگەی جیاوازدا یاری دەکەیت و چەکەکان لە سندوقەکان دەست دەکەوێت و شەڕ لەگەڵ یاریکەرەکانی دیکە دەکەیت. زیاتر لە ٤٠ ئۆتۆمبێلی تێدایە بۆ کردنەوە لەگەڵ ڕۆڵگێڕی جیاواز. هەروەها یاریکردن بە شێوەی سەرهێڵ.

بۆچونی تۆ