هەواڵ 25, كانونی یه‌كه‌م 2018

هواوەی لەمساڵدا 200 ملیۆن مۆبایلی فرۆشتووە

کۆمپانیای هواوەی چینی دەربارەی فرۆشی مۆبایلەکانی ئەوەی ڕاگەیاند کە ٢٠٠ ملیۆن یەکەی لە مۆبایلەکانی لەمساڵدا فرۆشتووە، ئەمەش بۆ یەکەمجارە لە مێژووی کۆمپانیاکە. سەرکەوتنێکی چاوەڕوانکراو بووە چونکە هواوەی بە درێژایی ٨ ساڵ توانیویەتی ئاستی فرۆشی مۆبایلەکانی بە ملیۆن بەرز بکاتەوە. لە یەکەم ساڵی فرۆشتنیش لە مێژووی کۆمپانیاکە ٣ ملیۆن مۆبایلی هواوەی فرۆشرا بوو.

هەرچەندە فرۆشتنەکانی هواوەی لە ئەمریکا ڕێگەی لێگیراوە، بەڵام ئەمە کاریگەری نەبووە لەسەر کۆمپانیاکە بەڵکو توانی ببێتە دووەم کۆمپانیا پێش ئەپڵ لە بەرهەمهێنانی مۆبایل و فرۆشتنی لەمساڵدا.

هواوەی ئاماری فرۆشتنی مۆبایلەکانیشی بە درێژایی ٨ ساڵ ئاشکرا کرد، کە وەک دەبینرێت هواوەی فرۆشتنەکانی کەمی نەکردووە و ساڵ بە ساڵ زیاتر مۆبایلی فرۆشتووە. فرۆشتنەکان لەم چەند ساڵەی پێشوودا بەم شێوەیە بووە:

  • لە ٢٠١٠ـدا ٣ ملیۆن .
  • لە ٢٠١١ـدا ٢٠ ملیۆن
  • لە ٢٠١٢ـدا ٣٢ ملیۆن.
  • لە ٢٠١٣ـدا ٥٢ ملیۆن.
  • لە ٢٠١٤ـدا ٧٥ ملیۆن.
  • لە ٢٠١٥ـدا ١٠٨ ملیۆن.
  • لە ٢٠١٦ـدا ١٣٩ ملیۆن.
  • لە ٢٠١٧ـدا ١٥٣ ملیۆن.
  • لە ٢٠١٨ـدا ٢٠٠ ملیۆن.
تاگەکان هەواڵ هواوەی
بۆچونی تۆ