5 ئەپ و یاری بۆ ماوەیەکی کاتی بوونەتە خۆڕایی لە کۆگای گووگڵ پلەی

بەردەوام ئەپ و یاریەکان لە لایەن گەشەپێدەرانەوە بۆ ماوەیەکی کاتی دەکرێنە خۆڕایی ئەمانەی خوارەوەش باشترین هەڵبژاردەکانی ئەمڕۆن.

English Dictionary Premium

فەرهەنگێکی بەسوودە و زیاتر لە 128.000 وشە لە خۆدەگرێت و بەردەستە بە قەبارەیەکی کەم و کاردەکات بە بێ هێڵی ئینتەرنێت.

• ئەندرۆید

BernerMoji 2

ئەگەر حەزت بە ئاژەڵەکان هەیە بە تایبەت سەگ، ئەوا دەتوانیت لە ڕێگای ئەم ئەپەوە زیاتر لە 200 ئیمۆجیت دەست بکەوێت لەگەڵ ئەوەشدا دەتوانیت ئیمۆجی تایبەت دروست بکەیت.

• ئەندرۆید

Survive: The Lost Lands

لە یاریەکەدا ڕۆڵی کەسایەتیەک دەبینیت فڕۆکەکەی تێکشکاوە و کەوتووەتە سەر دوورگەیەک، هەر بۆیە پێویستە چەکی تایبەت بە خۆت دروست بکەیت هەتاوەکو بە زیندوویی بمێنیتەوە.

• ئەندرۆید

Heads Up!

یاریەکی بەچێژە و دەتوانیت بە کۆمەڵ لەگەڵ هاوڕێیانت ئەنجامی بدەیت، بە شێوەیەک پێویستە وشەی نووسراو لە مۆبایلەکە بخەمڵێنیت کە ئەویش لەوانەیە ناوی کەسایەتیەکی بەناوبانگ یان گۆرانیبێژێک بێت.

• ئەندرۆید

Castle 3D Pro live wallpaper

ئەپەکە کۆکراوەی کۆمەڵێک پاشەبنەمای ڕوونی بەرزی سێ دووری قەڵاکانە بۆ مۆبایلەکەت.

• ئەندرۆید

تێبینی:-

• گەر ئەپ و یاریەکان بە هۆی جیاوازی وڵاتەوە لە لات بەردەست نەبوو تەنها یەکێک لە ئەپی VPNـە خۆڕاییەکان بەکاربهێنە و وڵاتەکەت بگۆڕە بۆ وڵاتە یەکگرتووەکانی ئەمریکا (USA).

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.