ئای ئۆ ئێس

نێتفلێکس چیدیکە ڕێگە بە بەکارهێنەرانی iOS نادات خۆیان تۆمار بکەن

لە دوای ئەوەی لە چەند مانگی ڕابردوودا تۆڕی نێتفلێکس تایبەت بە فیلم و زنجیرە جیهانییەکان بەشی تۆماربوون و کڕینی بژاردەکانی مانگانە لە نێو ئەپی فەرمییان بۆ iOS لە ژمارەیەک وڵاتانی جیهاندا وەستاند، ئەمڕۆ تۆڕەکە بە شێوەیەکی سەرتاسەری بەشی تۆماربوون و کڕینی بژاردەکانی مانگانەی تۆڕەکەی لە نێو ئەپی فەرمییان لە iOS ـدا وەستاند.

بەو مانایەی کە چیدیکە بەکارهێنەرانی ئەپی نێتفلێکس لە iOS دوگمەی Sign Up لە ئەپەکانیاندا نابینن کە لە ڕێگای دوگمەکەوە پێشووتر دەیانتوانی خۆیان تۆمار بکەن و بژاردەکانی مانگانە بکڕن، هاوکات بەژداربووە کۆنەکانی تۆڕەکە ناتوانن چیدیکە بەژداربوونیان نوێ بکەنەوە لە ڕێگای ئەپەکەوە.

هۆکاری نەهێشتنی بەشی تۆمار بوونی تۆڕەکە بۆ بەکارهێنەرانی iOS لە لایەن وتەبێژێکی تۆڕەکەوە ڕوونکراوەتەوە و ڕایگەیاندوە کە تۆڕەکە چیدیکە پشتگیری لە ڕێگای پارەدانی iTunes ناکات بۆ کڕینی بژاردەکانی مانگانە لە لایەن بەژداربووە نوێیەکانەوە و نوێکردنەوەی بەژداربوون لە لایەن بەژداربووە کۆنەکانەوە. هاوکات ئاماژەشی بەوە داوە کە ئەپڵ هاوکارێکی گرنگی تۆڕەکە بووە بۆ گەیاندنی بەرهەمە هونەرییەکان لە ڕێگای ئامێرەکانی ئایفۆن و ئایپاد و ئەپڵ تیڤییەوە.

بەکارهێنەرانی iOS بۆ بەژداربوون و نوێکردنەوەی بەژداربوونیان لە تۆڕەکەدا پێویستە ئەم بەستەرە لە یەکێک لە وێبگەڕەکانی ئامێرەکەیاندا بکەنەوە و پڕۆسەکە ئەنجام بدەن بەدەر لە نێو ئەپی نێتفلێکس.

کرتە بکە بۆ داگرتنی ئەپی نێتفلێکس بۆ iOS.

سەرچاوە :
29 كانونی یه‌كه‌م، 2018
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
710