ڕاپۆرت و توێژینەوەکان

مۆبایلەکانی Pixel 3 و Galaxy Note 9 لە پلەی پێشەوەی هەڵسەنگاندنێکی ماڵپەڕی DxOMark بوون بۆ کامێرای پێشەوە

ماڵپەڕی DxOMark ئەمڕۆ ئەنجامی هەڵسەنگاندنی بۆ چەند مۆبایلێک بڵاوکردەوە دەربارەی کامێرای پێشەوە(سێڵفی) لەسەر بنەمای کارامەیی و ڕوونی وێنەکان.

لە هەڵسەنگاندنی ماڵپەڕەکەدا هەڵسەنگاندن بۆ 12 مۆبایلی نوێ و جۆراوجۆر کرابوو. مۆبایلەکانی گووگڵ Pixel 3 و گالەکسی Note 9 پێشەنگی هەڵسەنگاندنەکەیان گرتووە بە 92 خاڵ، هەروەها مۆبایلی شاومی Mi Mix 3 لە پلەی دووەمی هەڵسەنگاندنەکەدایە و 84 خاڵی وەرگرتووە، مۆبایلەکانی ئایفۆن XS Max و گالەکسی S9 Plus پلەی سێیەم و چوارەمی هەڵسەنگاندنەکەیان گرتووە بە وەرگرتنی 82 و 81 خاڵ.

پلە و خاڵە وەرگیراوەکانی مۆبایلەکانی دیکە لە هەڵسەنگاندنەکەدا بەم شێوەیە بوون:

  • پلەی پێنجەم: گووگڵ Pixel 2 بە 77 خاڵ.
  • پلەی شەشەم: هواوەی Mate 20 Pro بە 75 خاڵ.
  • پلەی حەوتەم: سامسۆنگ گالەکسی S8 بە 73 خاڵ.
  • پلەی هەشتەم: هواوەی P20 Pro بە 72 خاڵ.
  • پلەی نۆیەم: ئەپڵ ئایفۆن X بە 71 خاڵ.
  • پلەی دەیەم: Meitu V6 بە 59 خاڵ.
  • پلەی یانزەیەم: Intex Aqua Selfie بە 22 خاڵ. DxO iPhone selfie camera ranking

ئەوەی جێی سەرنجە باسکردنی هۆکاری بەدەستهێنانی هەمان خاڵ و پلەیە لە لایەن مۆبایلەکانی گووگڵ Pixel 3 و گالەکسی Note 9، هۆکارەکەی بۆ ئەوە دەگەڕێتەوە کە گووگڵ Pixel 3 سیستەمی سەرنجدانی باشتر بووە و هەروەها کەمێک هاوسەنگی نیشاندانی ڕەنگی سپی لە چاو گالەکسی Note 9 ـەوە باشتر بووە، لەگەڵ ئەوەشدا گالەکسی Note 9 کەمێک لە گووگڵ Pixel 3 باشتر بووە لە توانای نیشاندان و کەمتر جیاوازی لە دەموچاوەکان ئەنجام داوە و ئەنجامەکانی سروشتیتانەترە. لەبەر ئەم هۆکارانە هەردوو مۆبایلەکە لە پلەی یەکەمدا بوون بە بێ جیاوازی خاڵ.

سەرچاوە :
22 كانونی دووه‌م، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
599