کۆمپیوتەر

کۆمپانیای Acer دوو لاپتۆپی Chromebook ـی ڕاگەیاند

کۆمپانیای Acer بەردەوامە لە بەردەستکردنی لاپتۆپە Chromebook ـەکان، کۆمپانیاکە ئەمڕۆ 2 لاپتۆپی Chromebook ـی نوێی تایبەت بە خوێندکاران و بواری خوێندن ڕاگەیاند.

2 لاپتۆپەکە ناویان Chromebook 512 و Chromebook Spin 512 ـە، لاپتۆپی جۆری یەکەم خاوەنی ڕوونمایەکە بە قەبارەی 12 ئینج و لە جۆری IPS و دەتوانرێت تاوەکو 180 بجوڵێندرێت، لەگەڵ ئەوەشدا بژاردەی ڕوونمای هەستیار و بێ هەستی بەردەست دەبێت. لاپتۆپەکە بژاردەی پڕۆسێسەری Intel Celeron N4000 و Celeron N4100 و Pentium Silver N5000 ـی لێ بەردەست دەبێت، خاوەن ڕامێکە بە فراوانی 4 یان 8 گێگابایت (دڵنیا نەکراوە)، هەروەها خاوەن بیرگەیەکی ناوەکی دەبێت بە قەبارەی 32 گێگابایت یان 64 گێگابایت (دڵنیا نەکراوە)، لەگەڵ پاترییەک کە بەرگەی 12 کاتژمێر کارکردنی بەردەوام دەگرێت. هەروەها خاوەن 2 دەرچەی USB-C و 2 دەرچەی USB 3.0 و دەرچەیەکی microSD و بیستۆکە.Image result for Chromebook 512

هەرچی دەربارەی جۆری دووەمە کە Chromebook Spin 512 ـە، خاوەن هەمان تایبەتمەندییەکانی جۆری یەکەمە، بەڵام جیاوازییەکەی ئەوەیە کە ئەم جۆرەیان تەنها بژاردەی پڕۆسێسەری Celeron N4100 و Pentium Silver N5000 ـی لێ بەردەست دەکرێت. هەروەها تەختەکلیلی ئەم جۆرە دژە ئاوە.

نرخی جۆری Chromebook 512 لە 329 دۆلارەوە دەست پێدەکات و نرخی Chromebook Spin 512 لە 449 دۆلارەوە دەست پێدەکات، لە مانگی 4 ـی ئەمساڵەوە بەردەست دەکرێن.

سەرچاوە:

23 كانونی دووه‌م، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. لەگەڵ جیهانی تەکنەلۆژیادا تێکەڵم و ئاگاداری دواین هەواڵەکانی تەکنەلۆژیام بە گشتی. خولیام بۆ ته‌كنه‌لۆژیا وای كرد كه‌ له‌ كه‌ی ئای تی ئێن درێژە بە خزمەتەکانم بدەم و بەردەوامبم لە گەیاندنی هەواڵە گرنگ و نوێیەکانی تەکنەلۆژیا بە شێوەیەکی درووست بە خوێنەرانی کورد.
244