تۆڕە کۆمەڵایەتییەکان

فەیسبووک دەیەوێت نامەکان لە ئەپەکانی Messenger و WhatsApp و Instagram ـدا یەکبخات

بە پێی ڕاپۆرتێکی New York Times بێت ڕەنگە فەیسبووک نامەکان لە 3 تۆڕە زەبەلاح و پڕ بەکارهێنەرەکەیدا یەکبخات.

بە پێی ڕاپۆرتەکە مارک زوکەربێرگ بەڕێوەبەر و دامەزرێنەری فەیسبووک دەیەوێت کۆنتڕۆڵی تەواوەتی بەسەر تۆڕەکانی Messenger و WhatsApp و Instagram ـدا بکات بە پێکەوەبەستنەوەی بەشی نامەی 3 تۆڕەکە لە ئەپەکاندا، ئەمەش دەبێتە هۆی کۆکردنەوەی ملیاران بەکارهێنەری 3 تۆڕەکە. هەروەها بەڕێوەبەرەکەی فەیسبووک ئامانجیەتی ناردنی نامەکان بکاتە شێوەی بە کۆد end-to-end encryption. ئەمەش دەبێتە هەنگاوێکی گەورە بۆ ئەپەکانی Messenger و Instagram تاوەکو نامەکانی بەکارهێنەرانیان لە ڕێگای بە کۆد کردنی end-to-end encryption ـەوە پارێزراوتر بکەن، ئەمە لە کاتێکدایە پێشتر ئەپی WhatsApp خاوەن ناردنی نامەکان بە شێوەی کۆد end-to-end encryption بووە.

بە یەکخستن و پێکەوەبەستنی بەشی نامەکانی 3 تۆڕەکە، دەتوانرێت نامەی هەر یەکێکیان لە ئەوانی تریشدا ببیندرێت. ئەوەی جێی ئاماژەدانە هەر یەکەیان بە شێوەی خزمەتگوزارییەکی سەربەخۆ دەمێننەوە. ئەمەش هەنگاوێکی مەزنی کۆمپانیاکە دەبێت بۆ بەرزکردنەوەی ژمارەی بەکارهێنەرانی و ئاسانکاری کردن بۆ بەکارهێنەران و ناردنی نامەکانی 3 تۆڕەکە تەنها لە یەک ئەپدا. هەروەها فەیسبووک ڕاپۆرتەکەی New York Times ـی پشتڕاست کردووەتەوە و وتوویەتی:

دەمانەوێت تا بتوانین ئەزمونێکی نامەبەری باش دابمەزرێنین، وە دەمانەوێت بەکارهێنەران بتوانن خێرا، ئاسان، بە باوەڕپێکراو و بە پارێزراوی نامە ئاڵوگۆڕ. کار دەکەین لەسەر ناردنی نامەکان بە شێوەی end-to-end encryption لە تۆڕە نامەبەرەکانمان تاوەکو ڕەچاوی ئەو ڕێگایانە بکرێت کە بە ئاسانی هاوڕێیان و خێزانەکان بە ئاسانی بگەن بە یەک لە تۆڕەکاندا.

ڕەنگە لە ئێستادا یەکخستن و کردنە کۆدی نامەکان لە ٣ تۆڕەکەدا لە وێبدا کەمێک ئەستەم بێت و ڕەنگە لە سەرەتادا تەنها بۆ ئەپەکانی 3 تۆڕەکە ئەنجام بدرێن، هەروەها New York Times ئاماژەی بە کاتی ئەنجامدانی یەکخستنەکە داوە لە لایەن فەیسبووکەوە و ڕایگەیاندووە کە لە سەرەتاکانی ساڵی 2020 فەیسبووک یەکخستنەکە ئەنجام دەدات.

26 كانونی دووه‌م، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
710