پزیشک و سەلامەتی

کاتژمێری زیرەکی Apple Watch بووە هۆی ڕزگارکردنی ژیانی کەسێک

کاتژمێری زیرەکی Apple Watch یەکێکە لە باشترین ئەو ئامێرانەی ئەپڵ کە تاوەکو ئێستا بەرهەمی هێنابێت، هاوکات خواستێکی زۆری لەسەرە و یەکێکە لە پێشەنگەکانی جیهانی کاتژمێرە زیرەکەکان. لە ساڵی ڕابردوودا ئەپڵ زنجیرەی چوارەمی لە کاتژمێرەکە نمایشکرد کە خاوەنی تایبەتمەندی ڕاپۆرتدانی تەندرووستی (ECG) و تایبەتمەندی درکپێکردنی کرداری کەوتن (fall detection functionality) بوو. تایبەتمەندییە ئاماژەپێدراوەکەی کۆتایی ژیانی هاوڵاتییەکی نەرویجی ڕزگارکرد و لە مردن گەڕاندییەوە.

بە پێی ڕاپۆرتێکی پێگەی NRK بەڕێز Toralv Østvang ـی تەمەن 67 ساڵ و بە ڕەگەز نەرویجی بە گیانی خوێناوی و لە هۆش خۆ چووەوە لە گەرماوی ماڵەکەیدا دۆزراوەتەوە، ڕاپۆرتەکە دەڵێت Østvang لە گەرماوەکەیدا کەوتبوو و زنجیرەی چوارەمی کاتژمێری زیرەکی Apple Watch ـی لەدەستتدا بووە، لە کاتی کەوتنیدا کاتژمێرە زیرەکەکەی دەستی ڕاستەوخۆ و لە دوای کەوتنی پەیوەندی بە فریاکەوتنی تەندرووستییەوە کردووە.cmWh3jSPwAmzia-Gx2R00QQIb4YtW_emX_LS33lvXfMQ

کچەکەی Østvang دەڵێت وا دیارە باوکی لە نیوەی شەودا چووەتە گەرماو، بەڵام بوورابووەوە و بە زەویدا کەوتبوو، بەمەش 3 ئێسکی دەمووچاوی شکا. کچەکە لە درێژەی قسەکانیدا دەڵێت:

لەوانەیە زیاتر لەوە خراپتری لێ بەسەردا بهاتبایە، بە درێژایی بەیانییەکە دەمانپرسی “چی ڕووی دەدا ئەگەر کاتژمێرە زیرەکەکەی لەدەستدا نەبووایە؟” ئەو مۆبایلەکەی لەگەڵ خۆیدا نەبردوو بۆ گەرماو. ناوازەیە کە بەم شێوەیە و بە خێرایی یارمەتی درا تاوەکو پۆلیس دۆزییەوە. ڕەنگە کاتژمێرەکە ژیانی پاراستبێت.

هەروەها کچەکە ڕایگەیاندبوو کە باوکی پێشووتر بایەخی بە سیستەمەکانی وریاکەرەوە نەدابوو، هەر بۆیە دیارە کە ئاگادارکردنەوەی فریاکەوتنەکە دەگەڕێتەوە بۆ تایبەتمەندی درکپێکردنی کرداری کەوتن لە زنجیرەی چوارەمی کاتژمێری زیرەکی Apple Watch.

ئەمە یەکەم جار نییە کە کاتژمێری زیرەکی Apple Watch ژیانی یەکێک ڕزگار بکات، بەڵکو لە ماوەی ڕابردوودا پیاوێکی تەمەن 65 ساڵی سوویدی ژیانی بۆ گەڕایەوە لە ڕێگای تایبەتمەندی درکپێکردنی کردارەکانی کەوتن (fall detection functionality).

زنجیرەی چوارەمی کاتژمێری زیرەکی Apple Watch خاوەنی تایبەتمەندی درکپێکردنی کرداری کەوتن (fall detection functionality) ـە، تایبەتمەندییەکە بە شێوەیەک کار دەکات ئەگەر جوڵەی هاوشێوەی کەوتنت ئەنجامدا ئەوا کاتژمێرە زیرەکەکە تاوەکو 1 خولەک چاوەڕێ دەکات ئەگەر کەوتنەکەت ئاسایی و زیان بەخش نەبوو ئەوا پێویستە پەنجە بە دوگمەی Cancel بنێیت، بەڵام ئەگەر لە دوای 1 خولەکەکە پەنجەت بە دوگمەی Cancel نەنا ئەوا Apple Watch ـەکەت درک دەکات کە حاڵەتەکەت نائاساییە و ڕاستەوخۆ پەیوەندی بە فریاکەوتن دەکات.Related image

سەرچاوە :
5 شوبات، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
586