ئەپ و نەرمەکاڵا

ئەپێکی نایاب بۆ فێربوونی زمانی ئینگلیزی بە بەکارهێنانی ڤیدیۆ

لاپتۆپ و مۆبایل و تەکنەلۆژیا بە گشتی زۆر بڵاوبوونەتەوە و بەشێکی زۆری ژیانمان داگیر دەکەن، گرنگە بتوانین سوودیان لێ وەربگرین و شت فێرببین بەهۆیانەوە نەوەک تەنها بۆ یاریکردن و کوشتنی کات بەکاریانبهێنین.

یەکێک لەو شتە گرنگانەی دەتوانین فێریان ببین زمانی ئینگلیزییە کە لە جیهانی ئەمڕۆدا زۆر پێویستە، کۆمەڵێکی باش ئەپ هەیە بۆ فێربوونی زمان، یەکێک لەوانەش RedKiwiیە کە لە ئەندرۆید و iOS بەردەستە و پێشتر ناوی Mimikingبوو و دواتر ناوەکەی گۆڕدرا.

Screenshot Image

لەم ئەپەدا سەیری ڤیدیۆ دەکەیت و ڕاهێنانی گوێگرتن و قسەکردن دەکەیت، یاخود تەنها یەکێکیان ئەگەر ویستت، ئەوەی لە ڤیدیۆکە دەیبیستیت وشەکانی دێنە بەردەستت و ڕستەکان رێک دەخەیتەوە، ئەمەش ڕاهێنانی گوێگرتنە، یاخود ئەوەی گوێت لێی دەبێت دەیڵێیتەوە، ئەمەش ڕاهێنانی قسەکردن.

Screenshot Image

دەتوانیت بە دڵی خۆت لە ٣ ئاستی قورسی و ئاسانی و لە ٣ ئاستی درێژی ماوە ڤیدیۆکان هەڵببژێریت، تەنانەت دەتوانیت لە نێوانی ئینگلیزی یەمریکی و بەریتانی و ئوستڕالی هەڵببژێریت، ئەمە جگە لە هەڵبژاردنی بابەتی ڤیدیۆکە، کۆمیدیا، چاوپێکەوتن، فیلم، هەواڵ…هتد.

جگە لە هەموو ئەوانەش دەتوانیت سەیری ئامارەکانی فێربوونی ڕۆژانەی خۆت بکەیت و ئامانج دیاری بکەیت، دەشتوانیت ئەو ڕستانەی لات گرنگ و مەبەستن بیانکەیتە Bookmark و بیانپارێزیت بۆ دووبارە پێداچوونەوە.

Screenshot Image

تەنانەت دەتوانیت فێری چینیش ببیت! و بەم زووانە هەریەک لە کۆری و ژاپۆنیش!

داگرتن بۆ ئەندرۆید

داگرتن بۆ iOS

9 شوبات، 2019
ئاڤاتار
خوێندکاری قۆناغی سێیەمی زانکۆم و حەزێکی زۆرم بۆ تەکنەلۆژیا هەیە، سوپاس بۆ خودا تا ڕاددەیەک زانیاری و شارەزاییم لە مۆبایلە زیرەکەکان و کۆمپیوتەردا هەیە، بە تایبەتیش لە سیستەمی وەگەڕخەری ئەندرۆید، هیوام وایە بتوانم خزمەتێکی بچووک بە هاونیشتمانیانم و بە وێبی کوردی بکەم و سوود لەم ئەزموونە وەربگرم.
239