سامسۆنگ مۆبایلی گالەکسی S10E ـی بە نرخێکی کەمترەوە نمایشکرد

لە پاڵ نمایشکردنی هەردوو مۆبایلی گالەکسی S10 و +S10 لە لایەن سامسۆنگەوە، کۆمپانیاکە لە کۆنگرەیەکی تایبەتدا بە ناوی Unpacked لە شاری سان فرانسیسکۆی ویلایەتی کاڵیفۆڕنیای ئەمریکا مۆبایلی گالەکسی S10E ـی نمایشکرد.

مۆبایلەکە پشتگیری لە وەگەڕخەری دەنگیBixby دەکات و نرخی کەمترە لە چاو جۆرەکانی S10 و +S10 ـدا، هەروەها قەبارەی بچووکترە و خاوەن ڕامێکی فراوانی کەمترە و لە پشتەوە خاوەن 2 کامێرایە. توانای تۆمارکردنی ڤیدیۆی هەیە بە ڕوونی 4K. بژاردەیەکی باشە ئەگەر مۆبایلێکی نرخ هەرزان، بچووک و خاوەن تایبەتمەندی نیمچە بەرزت دەوێت.

گشت تایبەتمەندییەکانی مۆبایلی گالەکسی S10E:

• ڕوونما: 5.8 ئینج بە وردی نیشاندانی 2.280 بە 1.080 لە جۆری Dynamic AMOLED و Infinity-O بە ڕوونی +Full HD.
• پڕۆسێسەر: Snapdragon 855 (بۆ جۆری ئەمریکی)، Exynos 9820 بۆ جۆرەکانی دیکە.
• گرافیک: Adreno 640.
• ڕام: 6 و 8 گێگابایت.
• بیرگە: 128 و 256 گێگابایت.
• ئەستووری: 7.9 ملیمەتر.
• کێش: 150 گرام.
• پاتری: 3.100 ملی ئەمپێر.
• بارگاویکردنەوە: پشتگیری کردن لە بارگاویکەرەوەی خێرا. پشتگیری کردن لە بارگاویکەرەوەی بێوایەر. توانای بارگاویکردنەوەی مۆبایل و ئامێری دیکەی هەیە بە شێوەی بێوایەر.
• کامێرای پشتەوە: یەکەم: 16 مێگاپێکسڵ بە تیرەی F2.2. دووەم: 12 مێگاپێکسڵ بە تیرەی F1.5/F2.4.
• کامێرای پێشەوە(سێڵفی): 10 مێگاپێکسڵ بە تیرەی f/1.9.
• هەستەوەری ئاسایشی: هەستەوەری پەنجەمۆری لاتەنیشت.
• دەرچە: USB-C، بیستۆک.
• ڕایەڵە: Bluetooth 5.0 ، WiFi 6 ، 4G LTE.
• ڕەنگ: شین، زەرد، ڕەش، سپی، پەمەیی.
• سیستەمی کارپێکەر: One UI (بنچینەکراو لەسەر Android 9 Pie).

مۆبایلەکە نرخی لە 749$ ـەوە دەستپێدەکات، لە سبەینێوە بەردەست دەکرێت بۆ داواکاری کڕینی پێشوەختە و لە ڕێکەوتی 8 ـی مانگی داهاتووشەوە دەست دەکرێت بە فرۆشتنی. هاوکات لەگەڵ کڕینیشیدا بیستۆکی بێوایەری Galaxy Buds بە دیاری وەردەگیرێت.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەری iOS، هەواداری  و خوێندکاری پەیمانگەی زانستی کۆمپیوتەر.