یاری باتڵ ڕۆیاڵی Apex Legends چەکی Havoc Energy Rifleـی بۆ زیادکرا

لە ماوەی ڕابردوودا یاری بەناوبانگی Apex Legends چەکێکی نوێی بۆ زیادکرا، چەکە نوێیەکە بە Havoc Energy Rifle ناودەبرێت و لە کاتی تەقاندنیدا هەڵدەستێت بە هەڵدانی ڕووناکیەکی بەهێز، شایەنی باسە و بە پێی وتەی گەشەپێدەرانی چەکە نوێیەکە ئەوا دەبێتە یەکێک لە بەهێزترین ئەو چەکانەی یاریکەر بە دەستی دەهێنێت لە نێو یاریەکەدا.

سەرەڕای ئەوەش Havoc Energy Rifle دەتوانیت بە دۆخی لێدانی خێرا و لێدانی تاک جەنگی پێبکرێت، بە شێوەیەک تاکە چەکی نێو یاریەکە دەبێت کە بتوانرێت دوو زیادکراوەی hop-upsـی بۆ بەکاربهێندرێت، زیادکراوەکانیش Turbochargerـە بۆ لێدانی خێرا ئەوی دیکەشیان Selectfire Receiverـە بۆ لێدانی تاک، چەکەکە لە ئێستادا بەردەست کراوە بۆ یاریکەرانی سەکۆی پلەیستەیشن 4 و ئێکس بۆکس وەن و کۆمپیوتەر.

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.