مۆبایل و تابلێت 1, ئازار 2019

کۆمپانیای Energizer مۆبایلی Power Max P18K Pop ـی بە پاترییەکی 18.000 ملی ئەمپێریەوە نمایش کرد

هەموو ساڵێک کۆنگرەی جیهانی مۆبایل MWC پڕی دەبێت لە بەرهەمی سەیر و سەمەرە، بۆ ئەمساڵیش کۆمپانیای Energizer ـی ئەمریکی تایبەت بە پاتری درووست کردن هاتە نێو مەیدانی مۆبایلە زیرەکەکان و مۆبایلێکی بە پاترییەکی زەبەلاحەوە لە کۆنگرەی MWC 2019 ـی چەند ڕۆژی ڕابردوودا نمایش کرد.

مۆبایلەکەی کۆمپانیای Energizer ناوی Energizer Power Max P18K Pop ـە و خاوەن فراوانترین پاتری مۆبایلی زیرەکە لە جیهاندا. بە شێوەیەک کە پاتری مۆبایلەکە توانای پێدانی وزەی هەیە بۆ بەکارهێنانی بەردەوام لە ماوەی 2 ڕۆژدا، هەروەها هەفتەیەک بۆ بەکارهێنانی ئاسایی.

بەڵام ئەوەی جێی نیگەرانیە ئەستووری مۆبایلەکەیە، ئەستوورییەکەی دەگاتە 18 ملیمەتر، ئەمەش ئاسان نابێت بۆ جێگا کردنەوەی لە گیرفان و دەستدا. پاترییە زەبەلاحەکەی مۆبایلەکە 18.000 ملی ئەمپێرە، خاوەن ڕوونمایەکە بە قەبارەی 6.2 ئینج لە جۆری IPS LCD. پڕۆسێسەری Mediatek Helio P70 ـی لەسەر جێگیرە و خاوەن ڕامێکی فراوانە بە قەبارەی 6 گێگابایت، لەگەڵ 3 کامێرا لە پشتەوە و 2 کامێرای دەرکەوتەدا لە پێشەوە.

گشت تایبەتمەندییەکانی مۆبایلی Energizer Power Max P18K Pop:

  • ڕوونما: قەبارە 6.2 ئینج لە جۆری IPS LCD بە وردی نیشاندانی 1080 بە 2280 پێکسڵ.
  • پڕۆسێسەر: Mediatek Helio P70.
  • گرافیک: Mali-G72 MP3.
  • ڕام: 6 گێگابایت.
  • بیرگە: 128 گێگابایت.
  • ئەستووری: 18 ملیمەتر.
  • کێش: –
  • پاتری: 18.000 ملی ئەمپێر/کاتژمێر.
  • بارگاویکردنەوە: پشتگیری کردن لە بارگاویکردنەوەی خێرا بە توانای 18 وات.
  • کامێرای پشتەوە: یەکەم: 12 مێگاپێکسڵ. دووەم: 5 مێگاپێکسڵ. سێیەم: 2 مێگاپێکسڵ.
  • کامێرای پێشەوە(سێڵفی): یەکەم: 16 مێگاپێکسڵ. دووەم: 2 مێگاپێکسڵ.
  • هەستەوەری ئاسایشی: هەستەوەری پەنجەمۆری لاتەنیشت.
  • دەرچە: USB-C.
  • ڕایەڵە: Wi-Fi 802.11 a/b/g/n/ac ، dual-band ، hotspot ، Bluetooth 5.0.
  • ڕەنگ: ڕەش ، شین.
  • سیستەمی کارپێکەر: Android 9 Pie.

مۆبایلەکە لە هاوینی ئەمساڵدا لە ویلایەتە یەکگرتووەکانی ئەمریکادا بەردەست دەکرێت، زانیاری دەربارەی ڕێکەوتی تەواوەتی بەردەستکردن و نرخی مۆبایلەکە نادیارن تا ئەم ساتە.

سەرچاوە :
بۆچونی تۆ