ئۆپۆ 5, ئازار 2019

ئۆپۆ مۆبایلی Oppo F11 Pro ـی بە کامێرای 48 مێگاپێکسڵەوە نمایشکرد

بە گەڕانەوە بۆ 2 مانگی ڕابردوو، چەند وێنەیەکی دزەپێکراوی نوێترین مۆبایلی کۆمپانیای ئۆپۆ دزەی پێکرا کە خاوەن کامێرای دەرکەوتە بوو لە پێشەوە، بەڵام ناوی ئاشکرا نەکرابوو. دواجار و ئەمرۆ کۆمپانیاکە مۆبایلی Oppo F11 Pro ـی بە کامێرای 48 مێگاپێکسڵ و کامێرای پێشەوەی دەرکەوتەوە نمایش کرد.

مۆبایلە نوێیەکەی ئۆپۆ خاوەن ڕوونمایەکە بە قەبارەی 6.5 ئینج. لە پشتەوە خاوەن 2 کامێرایە بە ڕوونی 48 و 5 مێگاپێکسڵ، لەگەڵ کامێرایەکی دەرکەوتە لە پێشەوە بە ڕوونی 16 مێگاپێکسڵ. پڕۆسێسەری MediaTek Helio P70 ـی لەسەر جێگیرە و خاوەن هەستەوەری پەنجەمۆرە لە پشتەوە.

گشت تایبەتمەندییەکانی مۆبایلی Oppo F11 Pro:

  • ڕوونما: 6.5 ئینج بە ڕوونی +FHD و بە وردی نیشاندانی 2340 بە 1080 پێکسڵ.
  • پڕۆسێسەر: MediaTek Helio P70.
  • گرافیک: Mali-G72 MP3.
  • ڕام: 6 گێگابایت.
  • بیرگە: 64 گێگابایت (زیادکردن لە ڕێگای microSD تاوەکو 256 گێگابایت).
  • ئەستووری: 8.8 ملیمەتر.
  • کێش: 191 گرام.
  • پاتری: 4.000 ملی ئەمپێر/کاتژمێر.
  • بارگاویکردنەوە: پشتگیری کردن لە وەشانی سێیەمی بارگاویکردنەوەی خێرای VOOC.
  • کامێرای پشتەوە: یەکەم: 48 مێگاپێکسڵ بە تیرەی f/1.8. دووەم: 5 مێگاپێکسڵ لە جۆری depth sensor بە تیرەی f/2.4.
  • کامێرای پێشەوە(سێڵفی): 16 مێگاپێکسڵ لە جۆری دەرکەوتە بە تیرەی f/2.0. تۆمارکردنی ڤیدیۆی [email protected]
  • هەستەوەری ئاسایشی: هەستەوەری پەنجەمۆر لە پشتەوە.
  • دەرچە: microUSB 2.0 ، بیستۆک.
  • ڕایەڵە: Wi-Fi 802.11 a/b/g/n/ac ، dual-band ، WiFi Direct ، hotspot ، Bluetooth
    5.0 ، LTE.
  • ڕەنگ: سەوزی بەرەبەیان ، ڕەشی برووسکەیی.
  • سیستەمی کارپێکەر: ColorOS 6 (بنچینەکراو لەسەر Andorid 9 Pie).

نرخی نزیکەی 350$ ـە و لە ئێستادا بەردەستە بۆ کڕین بە شێوەی داواکاری پێشوەختە لە پێگەی ئەمەزۆن هیندستان.

بۆچونی تۆ