شاومی

ڕێکەوتی ڕاگەیاندنی شاومی بلاک شارک 2 ئاشکرا کرا

تەنها یەک ڕۆژ لە دوای دەرکەوتنی بلاک شارک ٢ لەسەر هەڵسەنگێنەری گیک بێنچ، شاومی پۆستەرێکی بڵاوکردەوە و تێیدا ڕێکەوتی نمایشی نەوەی داهاتووی ئەم مۆبایلەی ئاشکرا کردووە، کە لە ١٨ی ئەم مانگە لە چین نمایشی دەکات.

وەکو زۆربەی مۆبایلە ئاست بەرزەکانی ساڵی ٢٠١٩، بلاک شارک ٢ دەبێت بە پڕۆسێسەری سناپدراگۆن ٨٥٥ بەهێزکرابێت، کە پڕۆسێسەرەکە لە جۆری ٧ نانۆمەترییە و لەگەڵ خۆیدا توانست و چوستی پێشکەش بە بەکارهێنەر دەکات.

چاوەڕوان دەکرێت ڕامی ٨ گێگابایت و بیرگەی ١٢٨ گێگابایت بۆ سەرەوە بێت، و جۆری تریش بە ١٢ گێگابایت ڕام و هەروەها ٢٥٦ بیرگەی ناوخۆیی لە لیستی پێشبنییەکاندایە. هەروەک ١٠ گێگابایت ڕامیش چاوەڕوان کراوە وەکو جۆری بلاک شارک هێلۆ.

بە داخەوە لە ئێستادا، وردەکاری تری ناوەکی ئەم مۆبایلە نەزاندراوە و بە شاراوەیی ماونەتەوە، بەڵام بە پشت بەستن بە ڕاگەیاندنەکانی پێشتری شاومی دەتوانین بڵێین ڕوونمایەکی 18:9ی هەبێت. هەروەک سیستەمی سارکردنەوەی Liquid Cooling System و ئەندرۆید ٩ و پاتریەکی ٤٠٠٠ ملی ئەمپێری لە لیستی تایبەتمەندییە پێشبینیکراوەکانن.

بێگومان وەکو هەمیشە، ئەم مۆبایلە سەرەتا لە چین بەردەست دەبێت و پاشان ناوچەکانی تری وەکو ئەوروپا و بەشەکانی تری ئاسیا دەگرێتەوە. کەواتە چاوەڕوان بن لە 18\3 ئەم مۆبایلە لە چین نمایش دەکرێت و ئێمەش وەکو هەمیشە ڕووماڵمان دەبێت بە هەواڵ.

سەرچاوە:

8 ئازار، 2019
ئاڤاتار
تەکنەلۆژیا بەشێکە لە ژیانم و ساڵانێکە هەواڵ و زانیاری بە زمانی کوردی دەنوسم و لە چەندین ماڵپەڕ و گۆڤار بڵاوم کردوونەتەوە و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ٦ ساڵە. ئیتر گرافیک دیزاینەریشم لە ئاستێکی باشدا و لە پای ئەم ئیشانەشدا مامۆستای زانکۆم! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!
1093