فەرھەنگی دی بی سۆفت فەرھەنگێکی (ئینگلیزی – کوردی – عەرەبی)ـیە. فەرھەنگەکە توانای گەرانی ھەیە بە ھەر سێ زمانەکە، و ھەروەھا زیاتر لە 48 ھەزار وشە لەخۆ دەگرێت. شایەنی باسە، ئەم فەرهەنگە لە لایەن بەرنامەداڕێژ سەردار محمد بە نەرمەواڵەی سی شارپ دروست کراوە.
بەکارھێنانی فەرھەنگەکە سادە و ئاسانە. دوای دامەزراندنی فەرھەنگەکە لە رێگەی ئەو شوێنەی دیاری کراوە بۆ گەران دەتوانیت بۆ ئەو وشەیە بگەرێیت کە دەتەوێت. لە لای دەستە چەپەوە ئەو زمانە ھەڵدەبژێریت کە دەتەوێت، و گەرانی پێ ئەنجام بدەیت. ھەروەھا سەرەتا کە فەرهەنگەکە دەکەیتەوە خۆکارانە زمانی ئینگلیزی ھەڵبژێردراوە، واتە لەگەڵ کردنەوەی فەرھەنگەکە راستەوخۆ گەران بە زمانی ئینگلیزی ئەنجام دەدەیت لەرێگەی شوێنی گەرانەوە. بەڵام ئەگەر بتەوێت بە یەکێکی تر لە زمانەکان گەران ئەنجام بدەیت، وەک ئاماژەم پێیدا لە لای دەستە چەپەوە زمانەکە دەگۆڕیت.
جێگەی ئاماژەیە، فەرھەنگەکە تەنھا بۆ سیستمی ویندۆزی کۆمپیوتەرە و بەم زووانە بۆ ھەردوو سیستمی iOS و Android بەردەست دەبێت.
