سامسۆنگ مۆبایلی گالەکسی A80 ـی بە کامێرای سووڕاوە و ڕوونمای بێسنوورەوە نمایشکرد

لە بۆنەیەکی تایبەتدا دوێنێ کۆمپانیای سامسۆنگ مۆبایلی گالەکسی A80 ـی بە کامێرای سووڕاوە و ڕوونمای بێسنوورەوە نمایشکرد.

مۆبایلەکە خاوەن کامێرایەکی سووڕاوەیە کە لە کاتی خواست لەسەر چرکاندنی وێنەی سێڵفی، بە ڕووی پێشەوەدا دەسووڕێت، ئەمەش وا دەکات ڕوونماکەی خاوەن هیچ کامێرایەک نەبێت و هیچ نۆچێکیش لەسەری بوونی نەبێت. خاوەن ڕوونمایەکە بە قەبارەی 6.7 ئینج لە جۆری Super AMOLED. کامێرا سووڕاوەکان 3 دانەن و ڕوونییان 48 و 8 مێگاپێکسڵە و دانەیەکیان تایبەتە بە هەستەوەری قوڵی 3 دووری. پڕۆسێسەری Snapdragon 730G ـی لەسەر جێگیرە و خاوەن ڕامێکە بە فراوانی 8 گێگابایت و بیرگەیەکی ناوەکی بە قەبارەی 128 گێگابایت، وە لەگەڵ پاترییەک بە توانستی 3.700 ملی ئەمپێر.

گشت تایبەتمەندییەکانی مۆبایلی گالەکسی A80:

• ڕوونما: 6.7 ئینج لە جۆری Super AMOLED بە وردی نیشاندانی 1080 بە 2400 پێکسڵ.
• پڕۆسێسەر: Qualcomm Snapdragon 730.
• گرافیک: Adreno 618.
• ڕام: 8 گێگابایت.
• بیرگە: 128 گێگابایت.
• ئەستووری: 9.3 ملیمەتر.
• کێش: –
• پاتری: 3.700 ملی ئەمپێر/کاتژمێر.
• بارگاویکردنەوە: بارگاویکەرەوەی خێرا بە توانای 25 وات.
• کامێرای پشتەوە: سەرەکی: 48 مێگاپێکسڵ بە تیرەی f/2.0. دووەم: 8 مێگاپێکسڵ بە تیرەی f/2.2 لە جۆری ultrawide. سێیەم: هەستەوەری قوڵی 3 دووری.
• کامێرای پێشەوە(سێڵفی): کامێراکانی دواوە لە کاتی سووڕانەوە بۆ پێشەوە (هەمان ڕوونی).
• هەستەوەری ئاسایشی: هەستەوەری سەر ڕوونما.
• دەرچە: USB-C، دەرچەی بیستۆک.
• ڕەنگ: ڕەشی خەیاڵی، سپی تارمایی، ئاڵتونی فریشتەیی.
• سیستەمی کارپێکەر: One UI (بنچینەکراو لەسەر Android 9 Pie).

مۆبایلەکە لە ڕێکەوتی 29 ـی مانگی داهاتوو (5) ـدا بەردەست دەکرێت، بەڵام هێشتا سامسۆنگ نرخ و چەند زانیارییەکی دیکەی دەربارەی مۆبایلەکە بەردەست نەکردووە.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەری iOS، هەواداری  و خوێندکاری پەیمانگەی زانستی کۆمپیوتەر.