تۆڕە کۆمەڵایەتییەکان 12, نیسان 2019

تویتەر ژمارەی شوێنکەوتنی سنوورداری لە ڕۆژێکدا بۆ 400 جار کەم کردەوە

تویتەر بەردەوامە لە ئەنجامدانی چاکسازییە گرنگەکان لە تۆڕەکەیدا. لە هەنگاوێکی نوێدا کۆمپانیاکە ژمارەی شوێنکەوتنی سنوورداری بۆ زیاتر لە نیوە کەم کردەوە.

کۆمپانیاکە لە جریوەیەکدا لە هەژماری فەرمی خۆی لە تویتەر ڕایگەیاند کە ژمارەی شوێنکەوتنی سنوورداری ڕۆژانەی لە 1000 جار بۆ 400 جار لە ڕۆژێکدا کەم کردەوە. بەو واتایەی کە لەمەودوا دەتوانرێت بە تەنها 400 جار شوێنکەوتن (Follow) بۆ هەژمارەکان بکرێت، لە کاتێکدا و لە پێشووتر دەتوانرا ڕۆژانە 1000 جار شوێنکەوتن بۆ هەژمارەکان بکرایە.

ئامانج لە کەمکردنەوەی سنووردارکردنی شوێنکەوتنی ڕۆژانە لە لایەن تویتەرەوە بۆ نەهێشتن و کەم بوونەوەی کەسە بێزارکەرەکانە؛ ئەو کەسانەی شوێنکەوتنت دەکەن و لە پاشان ڕەتکردنەوەی شوێنکەوتن دەکەن، کردارەکە بۆ چەند جارێک دووبارە دەکەنەوە.

بۆچونی تۆ