کۆمپیوتەر

کۆمپانیای HP لاپتۆپی Chromebook ـی بە قەبارەی 15 ئینج و ڕوونمای هەستیار و نرخی 449$ ـەوە ڕاگەیاند

دوێنێ (18 ـی 4) کۆمپانیای HP نوێترین لاپتۆپی لە جۆری Chromebook بە قەبارەی قەبارەی 15 ئینجەوە ڕاگەیاند. بەمەش چووە ڕیزی کۆمپانیاکانی Acer و Asus و Lenovo کە جۆرە لاپتۆپەکەیان لە ماوەی 2 ساڵی ڕابردوودا ڕاگەیاندبوو.

لاپتۆپە نوێیەکەی کۆمپانیای HP خاوەن ڕوونمایەکی هەستیارە بە قەبارەی 15 ئینج و ڕوونی FHD. پڕۆسێسەری Intel Pentium Gold 4417U ـی لەسەر جێگیرە و خاوەن ڕامێکە بە فراوانی 4 گێگابایت لە جۆری DDR4 SDRAM و بیرگەیەکی ناوەکی بە قەبارەی 64 گێگابایت لە جۆری eMMC. خاوەن گرافیکی Intel HD 610 و پاترییەکە کە بەرگەی 13 کاتژمێر لە بەکارهێنان دەگرێت. تەختەکلیلەکەی پڕ بە فراوانی لاپتۆپەکەیە و ڕووناکی لە ژێریدا بوونی هەیە.گشت تایبەتمەندییەکانی لاپتۆپی HP Chromebook 15:

  • ڕوونما: 15 ئینج – هەستیار – ڕوونی FHD – وردی نیشاندانی 1.920 بە 1.080 پێکسڵ.
  • پڕۆسێسەر: Intel Pentium Gold 4417U – بژاردەی Intel Core i5 بە نرخی زیاتر.
  • گرافیک: Intel HD Graphics 610.
  • ڕام: 4 گێگابایت لە جۆری DDR4 SDRAM.
  • بیرگە: 64 گێگابایت لە جۆری eMMC – زیادکردنی بیرگەیەکی دیکەی eMMC بە نرخی زیاتر.
  • ئەستووری: –
  • کێش: 1.8 کێلۆگرام.
  • پاتری: – بەرگەگرتنی 13 کاتژمێر لە بەکارهێنان.
  • کامێرا: کامێرای HD بە هەبوونی 2 وەرگر(Microphone).
  • هەستەوەری ئاسایشی: نییە.
  • دەرچە: 2 دەرچەی (USB 3.1 (Type C – دەرچەیەکی USB 3.1 – دەرچەی MicroSD.
  • دەنگ: 2 بڵندگۆی B&O.
  • ڕایەڵەIntel 802.11ac Wi-Fi – Bluetooth 4.2.
  • ڕەنگ: زیوی – شین.
  • سیستەمی کارپێکەر: Chrome OS.

ئێستا لاپتۆپەکە بەردەستە بۆ کڕین بە شێوەی سەرهێڵ بە نرخی دەستپێکی 449$.

سەرچاوە :
19 نیسان، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
517