گووگڵ

چۆن و کەی دەتوانم بینەری کۆنگرەی پەرەپێدەرانی Google I/O 2019 بم؟

بێگومان زۆر نزیکبووینەتەوە لە دەسپێکی کۆنگرەی پەرەپێدەرانی ئەمساڵی گووگڵ ناسراو بە Google I/O 2019. کەمتر لە دوو کاتژمێری ماوە و زۆرمان چاوەڕێین بزانین گووگڵ چی بۆمان ئامادەکردووە. ئەوەی چاوەڕوان دەکرێت نمایشکردنی مۆبایلەکانی Pixel 3a و Pixel 3a XLـن، هەروەها زانیاری زیاتر دەربارەی Android Q، بۆ نمونە، وەشانێکی تری تاقیکاری و ڕێکەوتی بەردەست بوونی، و چەندین شتی تر لەم بارەیەوە.

ئەگەر زۆر تامەزرۆی بینینی ئەم کۆنگرەیەیت، ئەوا گووگڵ لەسەر پەڕی کۆنگرە ڕاستەوخۆ لە یوتیوبەوە دەیگوازێتەوە. لە خوارەوە ڤیدیۆکە دادەنێین و دەتوانن بینەربن. کۆنگرەکە کاتژمێر ٨ بە کاتی هەولێر – کوردستان دەست پێدەکات.

جگە لە کینۆوت واتە سەروتارەکەی کۆنگرە، ئەوا بەدوایدا چەندین پەخشی ڕاستەوخۆ بۆ پەرەپێدەران دەست پێدەکەن کە دەتوانن خشتەی پەخشەکان لێرە ببینن.

بۆ دوایین زانیارییەکان دەربارەی کۆنگرە چاوتان لەسەر ماڵپەڕی کەی ئای تی ئێن بێت و پەڕەکانمان بێت لە تۆڕە کۆمەڵایەتییەکان.

7 ئایار، 2019
ئاڤاتار
تەکنەلۆژیا بەشێکە لە ژیانم و ساڵانێکە هەواڵ و زانیاری بە زمانی کوردی دەنوسم و لە چەندین ماڵپەڕ و گۆڤار بڵاوم کردوونەتەوە و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ٦ ساڵە. ئیتر گرافیک دیزاینەریشم لە ئاستێکی باشدا و لە پای ئەم ئیشانەشدا مامۆستای زانکۆم! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!
1167