هواوەی یەکەمین مۆبایلی کامێرا دەرکەوتەی خۆی بە ناوی P Smart Z ـەوە ڕایگەیاند

لە دوای تێپەڕبوونی ماوەیەکی زۆر کەم بەسەر چەند پڕوپاگەندەیەکدا، هواوەی بە فەرمی یەکەمین مۆبایلی کامێرا دەرکەوتەی خۆی بە ناوی P Smart Z ـەوە ڕاگەیاند.

مۆبایلەکە خاوەن ڕوونمایەکی قەبارە 6.59 ئینجە لە جۆری LCD، ڕوونمای مۆبایلەکە بێ سنوورە و نۆچ لەسەر ڕوونماکەی بوونی نییە. سوپاس بۆ کامێرا دەرکەوتەکەی پێشەوەی. لە پشتەوە خاوەن 2 کامێرایە و لە پێشەوەش خاوەن کامێرایەکی دەرکەوتەیە لە دەرەوەی ڕووی ڕوونماکەیدا. پڕۆسێسەری Kirin 710F ـی لەسەر جێگیرە و خاوەن ڕامێکە بە فراوانی 4 گێگابایت و بیرگەیەکی ناوەکی بە قەبارەی 64 گێگابایت. هەروەها خاوەن پاترییەکە بە توانستی 4.000 ملی ئەمپێر.

گشت تایبەتمەندییەکانی مۆبایلی هواوەی P Smart Z:

• ڕوونما: 6.59 ئینج – جۆری LCD – ڕوونی +FHD – وردی نیشاندانی 1080 بە 2340 پێکسڵ.
• دیزاین: نۆچ: نییەتی. چوارچێوە: نییەتی.
• پڕۆسێسەر: Hisilicon Kirin 710F.
• گرافیک: Mali-G51 MP4.
• ڕام: 4 گێگابایت.
• بیرگە: 64 گێگابایت.
• ئەستووری: 8.8 ملیمەتر.
• کێش: 196.8 گرام.
• پاتری: 4.000 ملی ئەمپێر/کاتژمێر.
• بارگاویکردنەوە: –
• کامێرای پشتەوە: سەرەکی: 16 مێگاپێکسڵ بە تیرەی f/1.8. دووەم: 2 مێگاپێکسڵ بە تیرەی f/2.4 لە جۆری هەستەوەری قوڵی.
• کامێرای پێشەوە(سێڵفی): 16 مێگاپێکسڵ بە تیرەی f/2.0 لە جۆری دەرکەوتە.
• هەستەوەری ئاسایشی: هەستەوەری پەنجەمۆر لە پشتەوە.
• دەرچە: USB-C – دەرچەی بیستۆک.
• ڕایەڵە: 4G LTE – Bluetooth 5.0.
• ڕەنگ: ڕەش – سەوز – شین.
• سیستەمی کارپێکەر: ڕووکاری EMUI 9 (بنچینەکراو لەسەر Android 9 Pie).

مۆبایلەکە لە ڕووی پشتەوەیدا خاوەنی هەستەوەری پەنجەمۆرە، هەروەها خاوەن تایبەتمەندی NFC و وەشانی پێنجەمی Bluetooth ـە، پشتگیری لە ڕایەڵەی 4G دەکات.

کۆمپانیاکە تاوەکو ئێستا ڕێکەوتی بەردەستکردنی ئاشکرا نەکردووە، بەڵام نرخی ئاشکرا کراوە و بە نرخی 280€ (نزیکەی 313$) بەردەست دەکرێت.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەری iOS، هەواداری  و خوێندکاری پەیمانگەی زانستی کۆمپیوتەر.