10
هەواڵ 10, ئایار 2019

ڤیدیۆی ڕاگەیاندنی فەرمی یاری ناوازەی RAGE 2

کۆمپانیای Bethesda بە هاوکاری ستۆدیۆی id Software و Avalanche ڤیدیۆی فەرمی ڕاگەیاندنی یاری RAGE 2ـیان بڵاوکردەوە و بێگومان ئەمەش وا دەکات یاریکەران بە جۆش و خرۆشێکی زیاترەوە چاوەڕوانی ڕاگەیاندنی یاریەکە بن لە چەند ڕۆژی داهاتوودا، هەروەها بە هەمان شێوەی ڤیدیۆی ڕاگەیاندنەکانی پێشوو ئەم ڤیدیۆیەش شێتییەکی زۆری پێوە دیار بوو و لە چەند پارچەیەکیدا باس لە شێوازی یاریکردن و چیرۆک و کەسایەتیە جیاوازەکانی نێو یاریەکە کرا.

ناوازەیی ڤیدیۆکە لە کۆتاییەکەیدایە، تیایدا کۆمپانیای گەشەپێدەر ئاماژە بەوە دەکات و دەزانێت بەشی یەکەمی یاریەکە سەرکەوتوو نەبوو و کۆتاییەکەشی زۆر خراپ بوو هەر بۆیە وا پیشان دەدات بەشی دووەم لە یاریەکە بەو شێوەیە نابێت و هەمان هەڵەی پێشوو دووبارە ناکەنەوە، یاری RAGE 2 بڕیارە لە بەرواری 14/5/2019ـدا بە فەرمی ڕابگەیەنرێت لە کۆگای ستیم بۆ بەکارهێنەرانی کۆمپیوتەر و بێگومان لەسەر هەردوو سەکۆی پلەیستەیشن 4 و ئێکس بۆکس وەنیش بەردەست دەبێت.

بینەری ڤیدیۆی ڕاگەیاندنی یاری RAGE 2 بن:-

تاگەکان RAGE 2
بۆچونی تۆ