هەواڵ

هەر ئێستا و بۆ ماوەیەکی کاتی دەتوانیت یاری Monster Hunter World بەخۆڕایی تاقیبکەیتەوە

کۆمپانیای Capcom بە فەرمی لە ماوەی ڕابردوودا تاقیکردنەوەیەکی خۆڕایی بۆ یاری Monster Hunter World ڕاگەیاند، ئەم تاقیکردنەوە خۆڕاییەش بۆ بەکارهێنەرانی سەکۆی پلەیستەیشن 4ـە و لە ئێستاوە بەردەستە هەتاوەکو بەرواری 20/9/2019 واتە ماوەی 7 ڕۆژێکت لە بەردەمدایە بۆ تاقیکردنەوەی یاریەکە.

لەم تاقیکردنەوە خۆڕاییەدا دەتوانیت بەشێک لە چیرۆک و دۆخی ئۆنلاین و کۆمەڵێکی زۆریش لە داوکاریە گرنگەکانی نێو یاریەکە جێبەجێ بکەیت، لەگەڵ ئەوەشدا ئەگەر ویستت جۆری بە پارەی یاریەکە بکڕیت ئەوا ڕاستەوخۆ سەرجەم پێشکەوتنەکانت دەگوێزرێتەوە بۆ جۆری بە پارەکە. یاری Monster Hunter World لە ئێستادا بەردەستە بۆ کڕین لەسەر کۆگای ستیم بۆ بەکارهێنەرانی کۆمپیوتەر و بێگومان بەردەستیشە بۆ بەکارهێنەرانی هەردوو سەکۆی پلەیستەیشن 4 و ئێکس بۆکس وەن.

بۆ ئاشنا بوون بە یاریەکە بینەری ئەم گەیم پلەیەی خوارەوە بن:-

13 ئایار، 2019
ئاڤاتار
ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
801