هەڵەیەکی تویتەر بووە هۆی هەڵگرتن و هاوبەشیپێکردنی داتا شوێنییەکانی بەکارهێنەرانی iOS

تویتەر ڕایگەیاند کە لە ئەنجامی هەڵەیەکی بێ مەبەست، داتا شوێنییەکانی بەکارهێنەرانی iOS هەڵگیراون و بۆ یەکێک لە کۆمپانیا هاوبەشەکانیان هاوبەشی پێ کراون.

لە جیوەیەکی هەژماری فەرمی خۆی لە تویتەر، کۆمپانیاکە ڕایگەیاند کە کارمەندەکانیان هەڵەیەکیان دۆزیوەتەوە و چارەسەریان کردووە کە بووە هۆی هەڵگرتن و هاوبەشیپێکردنی داتا شوێنییەکانی بەکارهێنەرانی سیستەمی iOS بە بێ کاراکردنی تایبەتمەندییەکە لە لایەن بەکارهێنەرانەوە. ئەم هەڵەیە ئەو کەسانەی گرتبووەوە کە لە هەژمارێک زیاتریان بەکار دەهێنا. هەر بۆیە داتا شوێنییەکانی هەڵ دەگرتن و بۆ یەکێک لە کۆمپانیا هاوبەشەکانی کۆمپانیاکە هاوبەشی پێ دەکردن.

Due to a bug in Twitter for iOS, we inadvertently collected and shared location data (at the zip code or city level). We have fixed the bug, but we wanted to make sure we shared more of the context around this with you. More here: https://t.co/n04LNt62Sa

— Support (@Support) May 13, 2019

بە مانایەکی دیکە، داتا شوێنییەکانی ئەو بەکارهێنەرانەی تویتەر ڕەوانەی کۆمپانیایەکی هاوبەشی بازرگانی تویتەر کراون، بەڵام پلان بۆ داڕێژراو و بە مەبەست نەبووە، هەر بۆیە کۆمپانیا هاوبەشەکە لە داتاکانی نەکۆڵیوەتەوە و بڵاوی نەکردوونەتەوە.

هەروەها تویتەر دەڵێت پێشووتر کۆمپانیا هاوبەشەکەیان بۆ ماوەیەکی زۆر کەم داتا شوێنییەکانی هەڵگرتبوو و سڕیبویانەوە.

بۆ دڵنیابوون لە سەلامەتی هەژمارەکەت، سەردانی ڕێکخستنەکانی هەژمارەکەت بکە لە تۆڕەکەدا.

ماکوان بەرزان

نووسەری پێشکەوتوو لە Kitn لە ٢٠١٨ ـەوە. ئەندازیاری iOS لە Gateway. خوێندکاری ئەندازیاریی ئایتی لە زانکۆی پۆلیتەکنیکی سلێمانی.