ئۆپۆ

ئۆپۆ مۆبایلی Realme Xـی بە کامێرای 48 مێگاپێکسڵ و پاتری 3765 ملی ئەمپێر و نرخێکی تەواو گونجاوەوە ڕاگەیاند

پاش زنجیرەیەکی درێژ لە هەواڵە دزەپێکراوەکان Realme کە نیشانەیەکی بازرگانی سەر بە کۆمپانیای ئۆپۆیە ئەمڕۆ بە فەرمی مۆبایلی Realme Xـی نمایشکرد. مۆبایلەکە خاوەنی کۆمەڵێک تایبەتمەندی ناوازەیە و لە هەمان کاتیشدا نرخێکی گونجاوی هەیە، Realme X لە ڕووکاری پێشەوە خاوەنی ڕوونمایەکی تەواو و بێ نۆچە لە جۆری AMOLED و کامێرای پێشەوەی مۆبایلەکەش بە شێوەی سەرهەڵدەرە و لەسەر ڕوونما جێگیر نەکراوە.

لە ڕووکاری پشتەوەش خاوەنی دوو کامێرایە و هاوێنەی سەرەکی ڕوونی 48 مێگاپێکسڵە و ئەوی دیکەشیان 5 مێگاپێکسڵە، هەروەها مۆبایلەکە کاردەکات بە پڕۆسێسەری Snapdragon 710 و بەردەستە بە بژاردەی ڕامی 4 و 6 و 8 گێگابایت لەگەڵ بیرگەی 64 و 128 گێگابایت، سەرەڕای ئەمانەش خاوەنی پاتریەکە بە توانستی 3765 ملی ئەمپێر و پشتگیری لە بارگاویکەرەوەی خێرا دەکات بە خێرایی 20 وات و لە جۆری VOOC 3.0ـە.

گرنگترین تایبەتمەندیەکان:-

  • ڕوونما: لە جۆری AMOLED و بە قەبارەی 6.53 ئینج و بە ڕوونی 1080×2340 پێکسڵ و بە دووری 19:5:9 و پارێزراوە بە چینێک لە شوشەی پارێزەری Gorilla Glass 5
  • پڕۆسێسەر: Snapdragon 710
  • پڕۆسێسەری گرافیک: Adreno 616
  • سیستمی وەگەڕخەر: ئەندرۆید پای 9.0 بە ڕووکاری ColorOS 6
  • ڕام: 4 یان 6 یان 8 گێگابایت
  • بیرگە: 64 و 128 گێگابایت و پشتگیری لە بیرگەی دەرەکی ناکات
  • کامێرای پێشەوە: 16 مێگاپێکسڵ
  • کامێرای پشتەوە: دوو کامێرا بە ڕوونی 48+5 مێگاپێکسڵ
  • توانستی پاتری: 3765 ملی ئەمپێر و پشتگیری لە بارگاویکەرەوەی خێرا دەکات بە خێرایی 20 وات و لە جۆری VOOC 3.0
  • ڕەنگ: سپی و شین
  • پاراستن: هەستەوەری پەنجەمۆر جێگیرکراوە لە ژێر ڕوونما
  • نرخ: 220 دۆلار بۆ جۆری 4/64 گێگابایت و 230 دۆلار بۆ جۆری 6/64 گێگابایت و 260 دۆلار جۆری 8/128 گێگابایت
  • بەرواری بەردەستبوون: 20/9/2019 بەردەست دەبێت بۆ فرۆشتن لە چین

سەرچاوە:-

  • GSM Arena

16 ئایار، 2019
ئاڤاتار
ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
888