مۆبایل و تابلێت

کۆمپانیای Asus مۆبایلی Asus ZenFone 6 ـی بە کامێرای سوڕاوەی 48 مێگاپێکسڵ و پڕۆسێسەری Snapdragon 855 ڕاگەیاند

کۆمپانیای Asus بە مۆبایلێکی نوێ و ئاستبەرزەوە درێژەی دا بە زنجیرە مۆبایلی ZenFone و نەوەی شەشەمی لە زنجیرەکە بە خاوەن کامێرای سووڕاوە و تایبەتمەندی بەرزەوە ڕاگەیاند.

مۆبایلە نوێیەکەی Asus خاوەن ڕوونمایەکە بە قەبارەی 6.4 ئینج لە جۆری LCD و بە ڕوونی +FHD، ڕوونماکەی پڕاوپڕە و هیچ نۆچێک لەسەری بوونی نییە، سوپاس بۆ کامێرا سووڕاوەکەی. خاوەن 2 کامێرای سووڕاوەیە بە ڕوونی 48 و 13 مێگاپێکسڵ، لە کاتی خواست لەسەر چرکاندنی وێنەی سێڵفی، کامێراکە بۆ پێشەوە دەسووڕێت، ئەمەش وا دەکات کە هیچ کامێرایەکی لە پێشەوە نەبێت.

پڕۆسێسەری Snapdragon 855 ـی 7 نانۆمەتری لەسەر جێگیرە، خاوەن بژاردەی ڕامی 6 و 8 گێگابایتی و بیرگەی ناوەکی بە بژاردەکانی 128 و 256 گێگابایتیە. خاوەن پاترییەکە بە توانستی 5,000 ملی ئەمپێر و لە پشتەوە هەستەوەری پەنجەمۆر بوونی هەیە.

گرنگترین تایبەتمەندییەکانی مۆبایلی Asus ZenFone 6:

  • ڕوونما: قەبارەی 6.4 ئینج – جۆری LCD – ڕوونی +FHD – شووشەی جۆری Gorilla Glass 6.
  • دیزایننۆچ: نییەتی. چوارچێوە: 83.8% دوور لە ڕوونما. 
  • پڕۆسێسەر: Qualcomm Snapdragon 855.
  • گرافیک: (Octa-core (1 x 2.84GHz, 3 x 2.41GHz, 4 x 1.78GHz.
  • ڕام: 6 و 8 گێگابایت.
  • بیرگە: 128 و 256 گێگابایت.
  • ئەستووری: 9.2 میلیمەتر.
  • کێش: 190 گرام.
  • پاتری: 5,000 ملی ئەمپێر/کاتژمێر.
  • بارگاویکردنەوە: بارگاویکەرەوەی خێرا بە توانای 18 وات.
  • کامێرای پشتەوە/پێشەوەسەرەکی: 48 مێگاپێکسڵ. دووەم: 13 مێگاپێکسڵ لە جۆری ultrawide.
  • هەستەوەری ئاسایشی: هەستەوەری پەنجەمۆر لە پشتەوە.
  • دەرچە: USB-C – MicroSD – بیستۆک.
  • دەنگ: –
  • ڕایەڵە: GPS – WiFi 2.4G/5G 802.11 a/b/g/n/ac – BT 5.0.
  • ڕەنگ: ڕەشی تێکەڵاو – زیوی تێکەڵاو.
  • سیستەمی کارپێکەر: Android 9 Pie.

کۆمپانیاکە تاوەکو ئێستا کاتی بەردەستکردنی مۆبایلەکەی ئاشکرا نەکردووە، بەڵام ئاشکرایە کە نرخی لە 499$ ـەوە دەستپێدەکات.

سەرچاوە :

17 ئایار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
599