10
ئای ئۆ ئێس 19, ئایار 2019 بۆچوون

مایکرۆسۆفت یاری Minecraft Earth ـی بۆ ڕکابەری یاری Pokemon Go ڕاگەیاند

لە ڕاستیدا، یەکەمین ڕاگەیاندنی یاری Minecraft Earth لە لایەن مایکرۆسۆفتەوە لە کۆنگرەی Build 2019 ـی ئەم مانگەی کۆمپانیاکەدا بوو. بەڵام لە ڕێکەوتی 17 ـی ئەم مانگەدا، کۆمپانیای مایکرۆسۆفت بە فەرمی یاری Minecraft Earth ـی بە خاوەن ڕاستی خەیاڵی(AR) ـەوە بۆ مۆبایلەکان ڕاگەیاند. ئەمەش لە یادی 10 ساڵەی ڕاگەیاندنی یاری Minecraft ـدا بوو.

یارییەکە هاوشێوەی هەر یەکە لە یارییە بەناوبانگەکانی Pokemon Go و Harry Potter Wizards Unite ـە. بەڵام لە جیاتی کۆکردنەوە یاخود شەڕکردن لەگەڵ گیانەوەرەکان، یارییە نوێیەی مایکرۆسۆفت خاوەن بنیادنانی کەرەستەکانە.

دەتوانیت لە ناوچەیەکی دیاریکراوی یارییەکەدا یاری لەگەڵ هاوڕێکانتدا بکەیت.

هەروەک پێشبینی دەکرا، یارییەکە توانستە هەورییەکانی Azure بەکار دەهێنێت بە یەکخستن و پشتگیری کردن لە سەکۆی PlayFab.

یارییەکە لە ئەمساڵدا بە نرخی خۆڕایی بۆ هەر یەکە لە سیستەمەکانی iOS و Android بەردەست دەکرێت. هەروەها لە هاوینی ئەمساڵدا کۆمپانیاکە وەشانی تاقیکاری لە یارییەکە بۆ ئەو کەسانە بەردەست دەکات کە خوازیان یارییەکە لە پێش بەردەستکردنیەوە تاقی بکەنەوە. لە ئێستاوە خۆتۆمارکردن بۆ بە دەست گەیشتنی وەشانی تاقیکاری کراوەیە(کرتە بکە بۆ خۆتۆمارکردن).

سەرچاوە :
بۆچونی تۆ