10
گووگڵ 22, ئایار 2019 بۆچوون

یوتیوب گۆڕانکاری لە شێوازی دەرکەوتنی ژمارەی بەژداربووانی کەناڵەکانی تۆڕەکەیدا دەکات

یوتیوب ڕایگەیاند کە لەمەودا کار بە ڕێگایەکی نوێ دەکات بۆ نیشاندانی ژمارەی بەژداربووانی کەناڵەکانی تۆڕەکەی. ئەویش بریتی دەبێت لە نیشاندانی ژمارەیەکی نزیک لە ژمارەی ڕاستەقینەی بەژداربووانەوە و ئەنجامدانی کورتکردنەوە بۆی.

لەمەودوا ئەگەر کەناڵێک ژمارەی بەژداربووانی لە 1,000 کەس تێپەڕی کرد. دەبێتە 1K و بە کورتی لە ژێر ناوی کەناڵەکەدا نیشان دەدرێت، بەمەش ژمارەی تەواوەتی بەژداربووان دەرناکەوێت. هەروەها وەکو نموونەیەکی دیکە؛ ئەگەر کەناڵێک 133,017 بەژداربووی هەبێت، ئەوا ژمارەکە کورت دەکرێتەوە و دەبێت بە 133K. بۆ ئەو کەناڵانەشی کە ملیۆنان بەژداربوویان هەیە، هاوشێوەی ئەم نموونەیەی لێ دێت؛ ئەگەر 51,389,232 بەژداربووی هەبێت، ژمارەکە کورت دەبێتەوە و دەبێتە 51M. بۆ ئەو کەناڵانەی کە کەمتر لە 1,000 بەژداربوویان هەیە، ژمارەکە وەکو خۆی دەنووسرێتەوە و کورتکردنەوەی بۆ ئەنجام نادرێت.

بە هەمان شێوە، لکێنراوەکانی یوتیوبیش هەمان دەرکەوتن بۆ ژمارەی بەژداربووانی کەناڵەکان ئەنجام دەدەن. خاوەن کەناڵەکان، دەتوانن وەکو جاران ژمارەی ڕاستەقینەی بەژداربووانیان لە سەکۆی YouTube Studio ـدا بە بێ کورت بوونەوە ببینن.

یوتیوب لە سەرەتاکانی مانگی 8 ـی ئەمساڵدا دەست بە دەرکەوتنی شێوازە نوێیەکەی ژمارەی بەژداربووانی کەناڵەکانی تۆڕەکەی دەکات.

سەرچاوە :
بۆچونی تۆ