10
ئەپ و نەرمەکاڵا 25, ئایار 2019 بۆچوون

لە کۆتایی ئەم مانگەدا گووگڵ بە یەکجاری ئەپی YouTube Gaming دەوەستێنێت

ڕێکەوتی ڕاگەیاندنی ئەپی YouTube Gaming ـی تایبەت بە بەشی یاریکردنی یوتیوب دەگەڕێتەوە بۆ کۆتاییەکانی ساڵی ڕابردوو. پێشووتر گووگڵ وتی کە لە مانگی 3 ـی ئەمساڵدا ئەپەکە لە کار دەخات. بەڵام وا دیارە کۆمپانیاکە لە یادی کرد و کۆتایی ئەم مانگەی وەکو دوا ساتەوەختەکانی ژیانی ئەپی YouTube Gaming دیاریکرد و بە یەکجاری دەیوەستێنێت.

گووگڵ ڕایگەیاند کە لە ڕێکەوتی 30 ـی ئەم مانگەدا (5) بە یەکجاری ئەپی YouTube Gaming لە کار دەخات و لە کۆگاکاندا دەیسڕێتەوە. وەکو ژمارەیەک لە خزمەتگوزارییەکانی دیکەی، گووگڵ ئەم خزمەتگوزارییەشی بە هۆکاری کەمی بەکارهێنەرەوە لە کار دەخات.

ئەگەر بە بەردەوامی ئەپی YouTube Gaming بەکاردەهێنیت، ئەم چەند ڕۆژە دەبێتە کۆتا ڕۆژەکانت لەگەڵ ئەپەکەدا و ماڵئاوایت لێ دەکات. بەڵام دەتوانیت لە وێب و لە ئەم بەستەرەوە (http://www.youtube.com/gaming) سوود لە بەشی نوێی یاریکردنی تۆڕی یوتیوب وەربگریت.

سەرچاوە :
بۆچونی تۆ