بەراورد 27, ئایار 2019

جیاوازی نێوان سەرچاوە کراوە (Open Source) و سەرچاوە داخراو (Closed Source) لە 5 خاڵدا

پرسیارە دووبارە بووەکان پێویستە زیاتر لێیان بڕاوندرێت. لە ئێستادا زۆرێک لە ئێمە نازانێت جیاوازی نێوان سەرچاوە کراوە (Open Source) و سەرچاوە داخراو (Closed Source) چییە. کەی ئای تی ئێن لە 5 خاڵدا جیاوازی نێوان سەرچاوە کراوە (Open Source) و سەرچاوە داخراو (Closed Source) ـت دەخاتە بەردەست.

با سەرەتا لە پێناسەیانەوە دەست پێ بکەین.

  • سەرچاوە کراوە (Open Source) چییە؟

سەرچاوەی کۆدەکانی بۆ ھەموو لایەنێک بەردەستە و ھەموو کەسێک دەتوانێت کۆدەکان ببینێت و سوود لە کۆدەکان ببینێت بە مەبەستی دەستکاریکردن و فێربوون و هەر هۆکارێکی دیکە، سەرچاوە کراوە بیرۆکەیەکی زۆر باشە بۆ زیاتر بەرەوپێشچوون و بینینەوەی ھەڵەکان و چارەسەرکردنیان. وەک سیستەمی ئەندرۆید؛ کە سیستەمێکی سەرچاوە کراوەی کۆمپانیای گووگڵە، دەتوانی دەستکاری ناوەڕۆک بکەیت.

  • سەرچاوە داخراو (Closed Source) چییە؟

ئەمە پێچەوانەی سەرچاوە کراوەیە، واتا ناتوانرێت کۆدەکان بەدەست بخرێن بە ھۆی داخراوییەوە، ئەو نەرمەکاڵایانەی کە گەشەپێدەران پەرەی پێ دەدەن تەنھا دەیانەوێت خۆیان خاوەنی نەرمەکاڵاکە بن و تەنها خۆیان بتوانن کۆدەکان ببینن و دەستکاری بکەن. نموونە بۆ سەرچاوە داخراو؛ وەک سیستەمی iOS.

  •  لە ڕووی نرخەوە:

سەرچاوە کراوە هیچ تێچوویەکی ناوێت لە چاو سەرچاوە داخراوەوە، بە هۆی ئەوەی کە دەتوانرێت هەمووان سوود لە کۆدەکانی سەرچاوە کراوە ببینن. بەڵام سەرچاوە داخراو تێچوویەکی زۆری دەوێت و زۆرجار بە خۆڕایی نین.

  • لە ڕووی خزمەتگوزارییەوە:

لە سەرچاوە کراوەدا دەتوانرێت کەسانی دیکە یارمەتی ئەو کەسانە دەدەن کە کێشەیەکیان لە پرۆژەکانیاندا ھەیە، جیاواز لە سەرچاوە داخراو کە خزمەتگوزاری بەشداربوونی نییە.

  • لە ڕووی داھێنانەوە:

سەرچاوە کراوە دەتوانرێت لە لایەن کەسانی دیکەوە گۆرانکاری تێدا بکرێت و زیاتر بەرەو پێش بچێت. بەڵام ناتوانرێت کەسانی دیکە گۆڕانکاری لە سەرچاوە داخراودا بکەن.

  • لە ڕووی بەکارھێنانەوە:

کێشەی سەرچاوە کراوە ئەوەیە کاتێک گەشەپێدەران دەستکاری کۆدەکان دەکەن، لە لایەن کۆمپانیاکانەوە پێداچوونەوەی بۆ ناکرێت و ئەمەش گەورەترین خاڵی لاوازی سەرچاوە کراوەیە. گەر بێین سەیری سەرچاوە داخراو بکەین، گەورەترین خاڵی بەھێزی ھەیە ئەوەیە لە لایەن گەشەپێدەرانی زیاترەوە نەرمەکاڵاکە ڕوون دەبێتەوە و ڕێنیشاندەر دەبێت.

  • لە ڕووی پاراستن:

سەرچاوە کراوە بەوە دەناسرێت کە زۆر جار کەلێن ھەیە تێیدا و زۆرجار بەکارھێنەران ڕوو دەکەنە ئەو ئەپ و سیستەمانەی کە داخراون، لایەنێکی دیکەی سەرچاوە کراوە ئەوەیە کە پرۆژەکان لە لایەن کەسی نەناسراوەوە بەرێوەدەبرێن، بەلام سەرچاوە داخراو بەوە ناسراوە ئاسایشی بەھێزی هەیە و ئەو کەسەی پرۆژەکە دەکات دواتر پێداچوونەوەی بۆ دەکات.

بۆچونی تۆ