10
گەرمترین 2, حوزه‌یران 2019 بۆچوون

تێلەگرام بە تایبەتمەندی سەکۆی گفتوگۆ بۆ کەناڵەکان و چەندین تایبەتمەندی ترەوە بۆ ئای ئۆ ئێس و ئەندرۆید نوێکرایەوە

ئەپی بەناوبانگی چات ناسراو بە تێلەگرام بە تایبەتمەندی ناوازەوە بۆ ئایفۆن و ئەندرۆید نوێکرایەوە. لەم وەشانەدا زۆر جەخت لە تایبەتمەندیەتی، واتە Privacy، کراوەتەوە، هەروەها سەکۆی گفتوگۆ بۆ کەناڵەکان زیادکراوە، و لەگەڵ باشترکردنی بۆتەکان و زیاتریش.

لەم وەشانەدا، بۆ نمونە، دەتوانیت ژمارە تەلەفۆنەکەت بۆ تەواوی هاوڕێکانت لە گروپێکدا بە دیاربخەیت، و لە گروپێکی تردا لە هەمووانی بشاریتەوە، و ئەمەش بە تەنها چەند هەنگاوێکی کەم دەکرێت.

کەناڵەکان لەم وەشاندا تایبەتمەندی سەکۆی گفتوگۆیان بۆ زیادکراوە. ئەمە لە ڕاستیدا ئاسانە و گروپێکی ئاسایی ناو تێلەگرام دەبەستیتەوە بە کەناڵەکەت تا سەرەنجی ئەندامەکانت زیاتر ڕابکێشیت و لە گروپەکە زیاتر خزمەتیان بکەیت. ڕاستەوخۆ لە بەشی ڕێکخستنەکانی کەناڵەکەت پەنجە بە وێنۆچکەی Edit دابگرە و پاشان لە بەشی Discussion ئەو گروپە هەڵبژێرە کە دەتەوێت بە کەناڵەکەتی ببەستیتەوە. لەم ڤیدیۆیەی خوارەوە زیاتر ڕوونکراوەتەوە.

لە دوای زیادکردنی گروپەکە وەکو سەکۆی گفتوگۆ بۆ کەناڵەکە، لەناو کەناڵەکە ڕاستەوخۆ دوگمەی Discuss دەردەکەوێت بۆ ئەوەی بتوانیت بچیتە گروپی پەیوەستەوە و لەوێ گفتوگۆ بکەیت.

هەر لەم وەشانەدا بۆتەکان زیرەکترکراون و هاوکاریت دەکەن لە چوونەژوورەوە بە هەژماری تێلەگرام بە شێوەیەکی ئاسانتر و خێراتر.

هەروەک لەمەودوا دەتوانن کەناڵەکانی تێلەگرام لەسەر وێب بەبێ هەژماری تێلەگرام ببینیت و ناوەڕۆکەکانیان بخوێنیتەوە:

ئەمە و پێشاندانی ئاماژەی Scam بۆ ئەو هەژمار و کەناڵانەی کە ناوەڕۆکەکانیان جێگەی گومانە.

لە تێلەگرامی ئای ئۆ ئێس دەتوانیت وێنەی تایبەت واتە Thumbnailـی تایبەت بۆ پی دی ئێف دابنێیت لە کاتی ناردنی، ئەمە و بە بەستەرکردنی نوسینی مەبەست لە کاتی ناردنی.

لەسەر ئەندرۆیدیش، چەندین بەشی ئەپەکە نوێکراونەتەوە لە ڕووی دیزاینەوە، هەروەها دیزاینی گەڕان لە پەیامەکان و زیادکردنی خەڵک بۆ گروپەکان گۆردراوە. ئەمە و بوونی شێوەیەکی نوێی گۆڕینی ڕووکارەکان لەناو ڕێکخستنەکانی چات.

بۆ داگرتنی تێلەگرام بۆ ئەندرۆید کرتە لەم وێنەیە بکە:

بۆ داگرتنی تێلەگرام بۆ ئای ئۆ ئێس کرتە لەم وێنەیە بکە:

بۆچونی تۆ