ئەپڵ وەشانی iOS 13 ـی بە دۆخی تاریک (Dark Mode) و زیاترەوە ڕاگەیاند

لە میانەی بەڕێوەچوونی کۆنگرەی WWDC 19 لە ئەمڕۆدا، کۆمپانیای ئەپڵ وەشانی نوێی iOS 13 ـی ڕاگەیاند. تایبەتمەندییە نوێیەکان بە خاڵ ئاماژەیان پێ دراوە.

خێرایی و چاکسازی:

• خێرایی کردنەوەی Face ID بە ڕێژەی 30% زیادکراوە.
• خێرایی کردنەوەی ئەپەکان 2 هێندە زیادکراوە.
• قەبارەی دابەزاندنی ئەپەکان کەم کراوەتەوە بۆ نیوە.
• نوێکردنەوەی ئەپەکان بە ڕێژەی 60% خێراتر کراوە.

دۆخی تاریک (Dark Mode):

• هەڵکردنی دۆخەکە لە کۆنتڕۆڵ سەنتەر.

ڕەشبوونی گشت بەشەکانی وەکو ئاگادارکەرەوەکان و ویدجێتەکان و پاشبنەما و نێوخۆی ئەپەکان لە کاتی هەڵکردنی دۆخەکە.

تەختەکلیل:

• دەست خشاندن لەسەر دوگمەکانی تەختەکلیل لە جیاتی کرتە کردن لەسەریان.

ئەپی Reminders:

• نوێکردنەوەی ڕووکاری ئەپەکە.
• زیادکردنی پشتگیری QuickType.
• زیادکردنی لیستی زیرەک.

ئەپی Music:

• توانای خوێندنەوەی دەقی گۆرانییەکان.

ئەپی Safari:

• ئاسانکاری لە گۆڕینی فۆنتەکان.

ئەپی Mail:

• زیادکردنی پشتگیری لە فۆنتە دەوڵەمەندەکان.

ئەپی Notes:

• زیادکردنی بەشی نوێی ڕەنگاڵە.
• پشتگیری کردن لە هاوبەشیپێکردنی بوخچەکان.

ئەپی Messages:

• زیادکردنی میکیاژ و ئێکسسوارات بۆ Memoji.
• زیادکردنی تایبەتمەندی Memoji Stickers بۆ هاوبەشیپێکردنی میمۆجییەکان وەکو ئیمۆجی.
• هاوبەشیپێکردنی ناو و وێنەکانی هەژمارەکان.
  

ئەپی Camera:

• زیادکردنی ئێفێکتی High Key Mono بۆ دۆخی Portrait Lighting.
• زیادکردنی چەند فلتەرێکی نوێ.
• گۆڕانکاری لە بەشی کەرەستەکانی دەستکاریکردن.
• توانای دەستکاریکردنی ڤیدیۆکان و لارکردنەوەیان.

ئەپی Photos:

• گۆڕانکاری لە بەشی کەرەستەکانی دەستکاریکردن.
• گۆڕانکاری لە تابەکان.

ئەپی Maps:

• گۆڕانکاری لە ڕووکاری نەخشە.
• زیادکردنی تایبەتمەندی Street View بۆ بینینی شوێنەکان بە شێوەی زیندوو.
• زیادکردنی بەشی دڵخوازەکان (Favorites).

ئاسایش:

• گەشەپێدەران دەتوانن دوگمەی Sign In With Apple بەکاربهێنن بۆ داخڵبوونی بەکارهێنەران.
• کۆنتڕۆڵکردنی ئەو کەسانەی کە دەتەوێت ناو و وێنەی Messages ـەکەت ببینن.

زیادکردنی HomeKit Secure Video بۆ HomeKit:

• توانای بینین و تۆمارکردنی ڤیدیۆکان لە ڕێگای HomeKit Secure Video.
• توانای هەڵگرتنی تۆمارەکان بۆ ماوەی 10 ڕۆژی تەواو.
• نەژماردنی ڤیدیۆ تۆمارکراوەکان وەکو بەشێک لە بیرگەی iCloud.
•  کامێرا پشتگیرەکان: Netatmo و Logitech و Eufy.

AirPods:

• یاریدەدەری ژیری دەنگی Siri ناوی پەیوەندییە هاتووەکانت بۆ دەخوێنێتەوە.
• زیادکردنی پشتگیرییەکانی Messages و ئەپە نامەبەرە لایەنە سێیەمییەکان لە SiriKit.
• تایبەتمەندی هاوبەشیپێکردنی دەنگ (Audio sharing) ڕێگەت پێ دەدات گۆرانی یاخود فیلمەکان لەگەڵ هاوڕێکانت هاوبەشی پێ بکەیت.

HomePod:

• زیادکردنی تایبەتمەندی Handoff کە لە ڕێگایەوە دەتوانیت بە نزیککردنەوەی ئایفۆنەکەت لە HomePod ـەت دەستت بگات بە میوزیک و پەیوەندییە تەلەفۆنییەکان و زیاتر.
• ڕادیۆی ڕاستەوخۆ ڕێگەت پێ دەدات iHeartRadio کار پێبکەیت.

CarPlay:

• بەشی داشبۆرد دیزاین کراوەتەوە و ئێستا بەشی زیاتر نیشان دەدات لە یەک کاتدا.
• زیادکردنی ئەپی نوێی Calendar.
• دیزاینکردنەوەی ئەپی Music.
• لەمەودوا Siri دەتوانێت کار لەگەڵ هەریەکە لە ئەپەکانی Pandora و Waze ئەپە لایەنە سێیەمەکانی دیکەدا بکات.

ئەو ئامێرانەی کە پشتگیری لە وەشانی iOS 13 دەکەن:

• iPhone XS
• iPhone XS Max
• iPhone XR
• iPhone X
• iPhone 8
• iPhone 8 Plus
• iPhone 7
• iPhone 7 Plus
• iPhone 6s
• iPhone 6s Plus
• iPhone SE
• (iPod touch (7th generation

لە ئەمڕۆوە بە شێوەی تاقیکاری بۆ گەشەپێدەران بەردەست دەکرێت و لە مانگی داهاتووشدا بە شێوەی تاقیکاری گشتی بەردەست دەکرێت، هەروەها لە کۆتاییەکانی ئەمساڵدا بۆ سەرجەم بەکارهێنەران بەردەست دەکرێت.