ئەپ و نەرمەکاڵا

مایکرۆسۆفت ئەپی To-Do ـی لە کۆگای ئەپ ستۆری ماک بەردەستکرد

لە دوای چەند مانگێک لە کارکردن، ئەمڕۆ کۆمپانیای مایکرۆسۆفت بە فەرمی ئەپی To-Do ـی تایبەت بە بەڕێوەبەری کارەکانی لە کۆگای ئەپ ستۆری ماک بەردەستکرد.

ئەپەکە تایبەتە بە زەخیرەکردنی لیستی ئەو کارانە یاخود ئەو پلانانەی کە دەتەوێت ئەنجامیان بدەیت، وە بە بیرخستنەوەت لە کاتی دیاریکراوی کارە نووسراوەکان و دیاریکردنیان وەکو جێبەجێکراو لە دوای جێبەجێکردنیان. هەروەها دەتوانیت لیستەکانت بە چەند ڕەنگێکی جیاواز درووست بکەیت بە مەبەستی ناسینەوەیان.

ئەگەر ئەپەکەت لە سیستەمی iOS یاخود Android هەیە، دەتوانیت لیستی کارەکانت/پلانەکانت لەگەڵ ماکەکەتدا هاودەمی بکەیت.

قەبارەی ئەپەکە 14 مێگابایتە و گونجاوە لەگەڵ وەشانەکانی macOS 10.13 و نوێتر. کرتە لە وێنۆچکەکەی خوارەوە بکە بۆ داگرتنی ئەپەکە.

هەروەها ئەپەکە بۆ هەر یەکە لە سیستەمەکانی iOS و Android ـیش بەردەستە و دەتوانیت لە ڕێگەی وێنۆچکەکانی خوارەوە دایانبگریت.

سەرچاوە :
17 حوزه‌یران، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
708