گووگڵ

دۆخی تاریک لەسەر ئەپی جیمەیڵ بۆ بەکارهێنەرانی سیستمی ئەندرۆید بەردەستکرا

وا دیارە 2019 ساڵێکی ڕەشە بۆ سیستمی وەگەڕخەری مۆبایلە زیرەکەکان، بە شێوەیەک هەموومان تێبینی ئەوەمان کرد هەردوو سیستمی ئەندرۆید ئای ئۆ ئێس لە ماوەی ڕابردوودا ڕاگەیەنرابوو دۆخی تاریکی تەواوەتییان بۆ زیادکراوە، بێجگە لەمەش هەردوو کۆمپانیای گووگڵ و ئەپڵ سەرقاڵن بە بەردەستکردنی دۆخی تاریک بۆ ئەپەکانیان.

لەم بارەیەشەوە نوێترین ئەپی گووگڵ دۆخی تاریکی بۆ بەردەست بکرێت ئەپی جیمەیڵە لەسەر سیستمی ئەندرۆید، بەڵام زۆر خۆشحاڵ مەبە بەم هەواڵە چونکە هێشتا دۆخەکە کاری لەسەر دەکرێت و بە دڵنیایشەوە پێویستە کاری لەسەر بکرێت، هەرچەندە دۆخەکە بە شێوەیەکی هەڕەمەکی بۆ بەکارهێنەرانی کۆتا وەشان لە ئەپەکە بەردەست دەبێت.

لە ئێستادا دۆخی تاریک لە بەشی ڕێکخستنەکانی ئەپی جیمەیڵدا بوونی هەیە بەڵام هیچ هەڵبژاردەیەکی نییە هەتاوەکو بەکارهێنەر بتوانێت دۆخەکە چالاک و ناچالاک بکات، لەگەڵ ئەوەشدا لە بەشی سەرەکی ئەپەکە واتە بەشی ماڵەوە دۆخەکە بەردەست نییە و وەک ئاماژەمان پێکرد تەنها لە بەشی ڕێکخستنەکانی ئەپەکەدا بوونی هەیە.

چەند وێنەیەکی دۆخی تاریکی نێو ئەپی جیمەیڵ:-

25 حوزه‌یران، 2019
ئاڤاتار
ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
888